Pas Ralf Gjonit, i cili njoftoi në rrjetet sociale se kishte rezultuar pozitiv me koronavirus një ditë më parë, me virusin e rrezikshëm janë prekur edhe dy ligjvënës të tjerë.

Mësohet se nga testimet kanë rezultuar të prekur deputetët Enver Roshi dhe Elio Hysko.

Shkon në tre numri i deputetëve të Kuvendit të infektuar me COVID-19. I pari që u infektua me COVID-19 ka qenë kreu i Ballit Kombëtar, deputeti Adriatik Alimadhi, i cili u shërua.

Kuvendi duket se po shkon drejt karantinimit para votimit të 30 korrikut për ndryshimet kushtetuese. Shqipëria u bë i pari vend që miraton në komisionet ndryshimin e Kushtetutës online. Po ashtu u bë vendi i dytë pas Rusisë që ndryshon Kushtetutën në kohë pandemie.