‘Vendim i turpshëm’/ Basha: Drejtësia peng i Ramës, Rama peng i Tahirit

‘Vendim i turpshëm’/ Basha: Drejtësia peng i Ramës, Rama peng i Tahirit

22:30, 19/09/2019

Kreu i opozitës Lulzim Basha ka reaguar pas vendimit të turpshëm të dhënë nga Gjykata e Krimeve të Rënda për Saimir Tahirin, duke e lënë të lirë dhe duke i rrëzuar akuzat për trafik droge.

Sipas Bashës, Rama është peng i Tahirit dhe drejtësia është peng i Ramës.

Reagimi i plotë i kreu i PD-së, Lulzim Basha:

Vendimi i turpshëm për të mos bërë drejtësi për krahun e djathtë të Edi Ramës, që e mbushi Shqipërinë me drogë dhe e shndërroi atë në njollën e zezë të krimit në Europë, provon se drejtësia në Shqipëri është peng i Edi Ramës, dhe Edi Rama është peng i krimit.

Vendimi i sotëm konfirmon se Edi Rama bëri gjithçka për ta mbrojtur Saimir Tahirin, sepse Saimir Tahiri e mban peng Ramën me dosjet e korrupsionit dhe të lidhjeve të tij me krimin, duke nisur me dosjen e kokainës së Xibrakës, ku është i përfshirë vëllai i Edi Ramës.

Përsa kohë Edi Rama është në krye të qeverisë, në Shqipëri nuk ka për të patur drejtësi, krimi dhe të pushtetshmit do të jenë të paprekshëm, Shqipëria do të mbetet peng i krimit dhe shqiptarët më të varfër e më të papunë.

Vetëm çlirimi i qeverisjes nga krimi do ti hapë rrugë drejtësisë së vërtetë dhe mirëqenies për të gjithë shqiptarët.

© SYRI.net

Lexo edhe:

Komentet

vera20/09/2019 14:30

Nese Tahiri nuk do ta burgosi vete veten, une si qytetare e denoj me 20 vite burg, ndersa Ramen me 40 vjet. Per mua Rama asht i pranushem te jete i denuar nga te gjithe njerezit qe e ndjejne nevoje kete gje,madje dhe menyra e denimit. Rama duhet trajtuar si specje teper e vecante,si perjashtimkrejt i rralle i se keqes.

Shto koment

Denonco