Përgjimet e ‘Bild’/ Këshilltari i Merkel ‘shuplakë’ Ramës: Kërkoji falje shqiptarëve dhe dorëhiqu!

Përgjimet e ‘Bild’/ Këshilltari i Merkel ‘shuplakë’ Ramës: Kërkoji falje shqiptarëve dhe dorëhiqu!

23:06, 18/06/2019

Martin Henze, këshilltari ekonomik i Grupit Parlamentar CDU, të kancelares gjermane Angela Merkel, ka reaguar lidhur me publikimet e djeshme të gazetës gjermane “Bild” dhe gazetarit Peter Tiede.

Sipas tij, kryeministri Edi Rama jo vetëm duhet t’u kërkojë falje shqiptarëve, por edhe të japë dorëheqjen.

Ai shkon më tej teksa propozon që, Europol dhe Interpol duhet të ngarkohet me hetimet mbi mashtrimin zgjedhor dhe bashkëpunimin e qeverisë me mafian.

Shkrimi i plotë i Martin Henze:

BILD publikoi regjistrime të gjera telefonike – të bëra nga hetuesit shqiptarë – të cilët dëshmojnë për herë të parë se ka pasur një plan sistematik të partisë qeverisëse socialiste të Kryeministrit Rama për të manipuluar zgjedhjet në vitin 2017! Qëllimi: Falsifikimi i zgjedhjeve, blerja e votave, shantazhimi i votuesve të opozitës.

Me këtë, qeveria, Partia Socialiste dhe kryeministri Rama me siguri e kanë bërë veten masivisht të dënueshëm. Kjo është e papranueshme për Evropën. Me një qeveri të tillë Rama me siguri nuk do të jetë më në gjendje të flasë. Ne kemi dëgjuar tani nga materiali i Bild se si u përgatit një plan në Ministrinë e Brendshme për të fituar zgjedhjet nga socialistët.

Por si atëherë – hap pas hapi – paraja dhe presioni dhe kriminelët përdoren për të siguruar që rezultati të jetë i pakontestueshëm. Dëgjohet gjithashtu, se disa zyrtarë më të lartë kërcënojnë drejtorët e shkollave dhe mësuesit. Këto regjistrime të policisë gjithashtu dëshmojnë se kreu i qeverisë së Shqipërisë, Edi Rama, kishte dijeni për këtë komplot zgjedhor dhe për këtë arsye ishte pjesë e tij.

Zyrtarët e lartë qeveritarë planifikuan manipulimin e zgjedhjeve dhe e zbatuan atë së bashku me liderët lokalë të partisë socialiste, administratën shtetërore dhe mafian. Telefonatat e përgjuara nga policia anti-mafia tregojnë gjithashtu pjesëmarrjen dhe përfshirjen e politikanëve më me ndikim.

Përveç kryeministrit Rama, ministri i atëhershëm i Brendshëm, Samir Tahiri, aktualisht akuzohet se është anëtar i mafias së drogës. Janë gjithashtu anëtarët e mëposhtëm të Partisë Socialiste:

Ministri i Infrastrukturës Damian Gjiknuri,
• Kryetari i Komisionit Parlamentar për Çështjet Ligjore, Ulsi Manja,
• Kreu i Komisionit Parlamentar të sigurisë, Xhemal Qefalia,
• Sekretari i Përgjithshëm dhe udhëheqësi i Grupit Parlamentar të Partisë Socialiste, Taulant Balla
• Deputeti Pjerin Ndreu

Megjithëse hetuesit shqiptarë janë njohur me audipërgjimet për vite me radhë, megjithëse gjithçka që mund të dëgjohet në materialet është faktuar që ka ndodhur në të vërtetë dhe këto janë të dënueshme sipas ligjit shqiptar, deri më sot nuk ka pasur hetim per venie para drejtësisë per një nga politikanët, zyrtarët dhe mafiozët qe janë protagoonistë në audiopërgjime.

Përkundrazi, hetuesit të cilët ishin në gjurmët e lidhjeve të qeverisë socialiste me mafian e drogës u shkarkuan, u dënuan në burg, u vunë në arrest shtëpiak dhe ikën jashtë vendit.

Rezultati tani në Shqipëri dihet: Protesta, opozita nuk propozoi kandidatët e vet për zgjedhjet lokale të planifikuara për verën. Presidenti i vendit, Ilir Meta, i anuloi plotësisht zgjedhjet, por qeveria ende dëshiron t’i mbajë ato. Një luftë e vërtetë elektorale po shfaqet!

Zyra e Prokurorit të Përgjithshëm, në anën tjetër, konfirmoi vërtetësinë e regjistrimeve në gazetën BILD, disa prej të cilave kanë mbetur të pandryshuara që nga viti 2016.

Ka vetëm një mënyrë për qeverinë socialiste të Ramës:

1. Të kërkoje falje publike popullit shqiptar dhe bashkësisë ndërkombëtare për këtë sjellje të dënueshme.
2. Qeveria të japë menjëherë dorëheqjen.
3. Parlamenti t’i heqë imunitetin Ramës dhe të gjithë zyrtarëve të përfshirë në marrëdhëniet me mafian.
4. Europolit / Interpolit t’i kërkohet të marrë përsipër hetimin e mashtrimit zgjedhor dhe bashkëpunimin me mafian në këtë çështje.
5. Të gjitha asetet dhe llogaritë bankare jashtë të personave të implikuar të qeverisë dhe familjeve të tyre duhet të ngrihen deri në fund të hetimit.
6. Presidenti i Republikës të emërojë një qeveri të përkohshme / tranzitore në konsultim me të gjitha partitë parlamentare.
7. Zgjedhje të reja në datën më të hershme të mundshme.

Kjo do të siguronte një proces demokratik në përputhje me kushtetutën, paqen dhe demokracinë në Shqipëri, një shqyrtim ligjor të krimeve të mundshme kundër qytetarëve dhe do të mundësonte rivendosjen e sundimit të ligjit dhe demokracisë me pranimin më të lartë të mundshëm të popullatës shqiptare.

Pastaj me siguri do të jetë e mundur që përsëri të jetojmë së bashku në një mënyrë të civilizuar me kombet e qytetëruara të BE-së.

Prandaj është koha që populli shqiptar të vendosë politikisht se çfarë do: Të vazhdojë me “qeverinë Mafias Rama” aapo një të ardhme në Evropën e civilizuar, sipas gazetës “Bild”.

 

© SYRI.net

Lexo edhe:

Komentet

Roberto21/06/2019 14:49

O Shqipe per c'fare duhet te kerkojne falje ambasadoret?? Kaq llogjike te ceket ke?? Komuniteti nderkombetar i sheh gjerat ne kompleks dhe jo te shkeputura. Drogen e solli kush e solli ne kete vend dhe normal qe do vazhdonte edhe ne ditet tona pasi ata e kishin filluar lojen por PS filloi ti shkaterronte plantacionet dhe a eban mend nga e filloi??? Nga Lazarati,fshati qe dallohej vetem per drogen qe prodhohej dhe qe u la i lire nga qeveria Berisha etj etj. Si ka mundesi qe te gjitha vendet europiane plus Amerika vleresojne punet e bera dhe vetem PD jo????? Apo Rama i paska kapur te gjithe????

Xxl20/06/2019 12:08

"Europolit t’i kërkohet të marrë përsipër hetimin e mashtrimit zgjedhor dhe bashkëpunimin me mafian në këtë çështje" Kete duhet te kerkojne opozitaret dhe çdo shqiptar qe i don te miren Shqiperise.

Landi20/06/2019 07:07

sorros i ka dhene licence te paster per diktator pallosh-gjatoshit

shqipe18/06/2019 23:24

Te gjith ambasadoret qe kan qen keto vite duhet ti kerkojne falje popullit Shqiptar sepse kan perkrahur kete qeveri qe ka mbushur vendin me droge dhe ka larguar popullsine sidomos rinine. Mos te cohej opozita ju kurre skishit thene asnje llaf kundra Edi Rames ashtu sikurse keni bere per vite te tera. Thenja juaj qe ja doni te miren popullit shqiptare nuk eshte e vertete sepse ju keni pare vetem interesat tuaja dhe te vendeve nga ju vini.

Shto koment

Denonco