Deputetja e PD, Grida Duma, në bashkëbisedimin për Buxhetin 2019 me grupet e interesit dhe ekspertë, tha sot;

":Pensionet, kontributi i punës së një jete do shpërblehet në akomodim, apo denigrim, ndihma ekonomike në shifra të minimum jetik, apo në shkatërrim të dinjitetit të njeriut në këtë buxhet? Po kështu edhe për borxhin historik ndaj disa kategorive si ish-të përndjekurit.

Çfarë ndodh me buxhetin e 2019 për pensionet? Kur vijmë në përditshmërinë tonë, kuptohet se kur pensioni është 70 mijë dhe shpenzimet mbërrijnë në 210 mijë vetëm për artikujt e shportës, mbijetesa garantohet vetëm me borxh. 

Prandaj edhe 1 në 5 familje ha një herë në ditë. Prandaj Banka Botërore jep alarmin për 38 % të familjeve që jetojnë në varfëri absolute. Në shifrat e 2018 kemi 50 mijë familje me ndihmë ekonomike nga 103 mijë që trajtoheshin në 2013."