Kreu i demokratëve i është drejtuar kryeministrit Edi Rama në lidhje me mbrojten që ai i bëri të vëllait Olsit, pas akuzave të rënda të medias italiane se është i përfshirë në trafikun e drogës, duke thënë që kjo është një çështje personale.

‘Si qenka personale që yt vëlla të kryesojë trafiqet e drogës? I ka për ty, i ka për familjen, i ka për klanin tuaj’, u shpreh Berisha.

Berisha: A ka vend në botë, pasi narkotrafikanti regjistrohet në çdo takim me trafikantët, në çdo udhëtim me trafikantët, në çdo mbledhje me trafikantët dhe policia, meqenëse ishte i vëllai i kryeministrit e regjistron në procesverbale si personi i paidentifikuar.

Kurse TIMS, që është kompjuter, e regjistron 18 herë si Olsi Droga, Olsi Droga, Olsi Droga.

Dhe tani, Edi Droga u thotë shqiptarëve, pasi shante me gjuhën e njeriut më ordiner, pasi shante si gojështhurur, nxjerr me dokumente dhe tregon se Olsi ishte personi i paidentifikuar, tani kur ia publikon media italiane, është çështje personale, thotë.

O i pafytyrë, a ke vëlla ti apo jo? Si qenka personale që yt vëlla të kryesojë trafiqet e drogës?

I ka për ty, i ka për familjen, i ka për klanin tuaj.

Kjo qenka, Shqipërinë po mbron ti? Cilën Shqipëri po mbron ti? Ti mbron veprat e zeza të vëllait tënd dhe të tuat. Ti mbron mafien që ndërtove. Ti mbron narkoshtetin që ndërtove në Shqipëri.