Lindita Metaliaj, deputete e Partisë Demokratike për qarkun e Lezhës gjatë fjalës në takimin me demokratët e Lezhës, është shprehur se fatkeqësisht Shqipëria që po drejtohet nga Rama është shndërruar në mafia dhe mafia në shtet, pasi nivelet e krimit që po shfaqen këtu, nuk ndodhin në asnjë shtet europian.
Deklarata e saj:
‘Berisha duhet të ishte sot këtu me ne, po për shkak të një padrejtësie, një gjyqi politik që drejtësia e re e dirigjuar dhe orkestruar nga Rama e mban atë padrejtësisht në arrest shtëpie.
Në fakt kjo ndodh vetëm në ‘Narko shtetin’ e Ramës sepse nuk mund të ndodhë në një vend anëtar të NATO-s apo vend europian, por ndodh tek Shqipëria që drejtohet nga Rama që shtetin e ka shndërruar në mafie, dhe mafien në shtet.
Dua t’i uroj shumë suksese në detyrën e tij të re kryetarit ët zgjedhur, anëtarëve të Partisë Demokratike në Lezhë dhe kryetarit.
Ne së bashku kemi bërë disa beteja, por sot do të ndalem tek dy betejat e fundit.
Në vitin 2021 kishim një betejë të vëshirë, sepse përballë nuk kishim një parti politike, por një organizatë kriminale e cila drejtohet nga Edi Rama, por megjithatë ne të bashkuar ja dolnm të fitojmë bindshëm në qarkun Lezhë dhe besoj do ja dalim dhe në vijim.
© SYRI.net