Thirrjes së opozitës për mbylljen e qepenave një orën 11:00-12:00 të paradites së sotme për të kundërshtuar skemën e futjes së TVSH në biznesin e vogël i janë bashkuar edhe bizneset nga qytete të tjera të vendit.

Jo në të gjitha qytet, tregtarët kanë ulur qepenat e njësive të tyre tregtare.

Si herën e parë, bizneset e vogla janë bashkuar në Korçë, kundër përfshirjes në skemën e TVSH. Bizneset në atë që njihet si tregu maqedonas, ulën qepenat e dyqaneve pa shkuar ora 11.00.

E njëjta situate ka qenë  edhe në qytetin e Fierit dhe të Beratit.

Por ndryshe ishte situata në disa qytete të tjera.

Në Vlorë, Gjirokastër, Lezhë e Lushnjë, tregtarët kanë thënë se nuk kanë patur informacion për një protestë të tillë dhe kanë vazhduar të punojnë.