Ka marrë një tjetër kthesë tragjike ngjarja e rëndë e ndodhur në Roskovec. Refit (Nertil) Buzi, 35 vjeç, i dyshuar si autor i vrasjes së ish-vjehrrit të tij dhe plagosjes së ish-vjehrrës, dyshohet se është vetëvrarë me armë zjarri pas disa orësh negociatash me forcat e Policisë së Shtetit.
35-vjeçari ishte i rrethuar nga forcat speciale RENEA në zonën e ish-fushës së helikopterëve, në fshatin Kurjan, ku qëndroi i ngujuar brenda automjetit të tij. Gjatë gjithë operacionit, negociatorët e policisë tentuan në mënyrë të vazhdueshme ta bindnin që të dorëzohej, por pa sukses.
Sipas të dhënave paraprake, më herët gjatë ditës, Buzi dyshohet se vrau me armë gjahu ish-vjehrrin e tij, Kosta Plakun, plagosi ish-vjehrrën, Bejlere Plakun, si dhe mori me forcë ish-të dashurën, Rozalinda Plakun. Kjo e fundit u lirua disa orë më vonë gjatë operacionit të policisë.
Pas dyshimeve se 35-vjeçari kishte qëlluar veten, pranë automjetit u afruan autoambulanca dhe forca të shumta policie për të ndërhyrë. Autoritetet pritet të konfirmojnë zyrtarisht shkakun e vdekjes dhe të japin detaje të tjera mbi rrethanat e ngjarjes, pas përfundimit të veprimeve hetimore në terren.
© SYRI.net
Denonco
Merrni lajmet më të fundit nga SYRI.net në çdo moment dhe kudo që të jeni!
VIDEO/ Sherr në lokal, një i plagosur me thikë në Shkallnur
Zjarri në Llogara vijon prej tre ditësh, flakët riaktivizohen në zonën pyjore pranë antenave
Arrestohet pronari i një argjendarie në Lezhë