Autori i vrasjes së gruas në Kuman varroset nga bashkia Rroskovec

I braktisur nga të gjithë dhe i pashoqëruar nga asnjë familjar, 80- vjeçari Shefit Rrapaj  autor i vrasjes së bashkëshortes së tij, Dashurie Rrapaj, 75 - vjeçe, dy ditë më parë në Kuman të Roskovecit, është përcjellë në banesën e fundit nga punonjësit e shërbimeve komunale të bashkisë Roskovec.

LEXO EDHE: Krimi në familje në Roskovec/ Familja merr trupin e gruas, të burrit e lë në morg: Ta varrosin si qen

Sipas drejtorit të Ndërmarrjes së shërbimeve publike pranë kësaj bashkie, Arben Duka, negociatat e policisë me familjarët për të tërhequr trupin nuk dhanë asnjë rezultat , ndaj në bazë të ligjit ceremonia mortore u krye nga bashkia.

LEXO EDHE: EMRAT/ Krim në familje në Roskovec: 80- vjeçari vret me pushkë bashkëshorten, më pas i jep fund jetës

Ndërkohë që Dashurie Rrapaj u përcoll në banesën e fundit në fshatin Allambreas të Beratit, në vendlindjen e saj, bashkëshorti vrasës u braktis nga të gjithë , pa asnjë lot e asnjë lule në varrin e tij.