EMRI/ Grabiti me dhunë marketin në Yzberisht, arrestohet autori i dyshuar

Policia ka finalizuar operacionin e koduar “Intervent”, duke arrestuar 40-vjeçarin Elkjer Tafciu, i dyshuar për vjedhjen e një shume parash në një market në Yzberisht, gjatë së cilës kërcënoi punonjësen me thikë.

Tafciu, me precedent penal për vjedhje me dhunë, u kap në Rrugën e Qelqit nga shërbimet e Komisariatit të Policisë Nr. 6, pas një hetimi intensiv për zbardhjen e ngjarjes. Punonjësja e marketit, e cila u lëndua në dorë gjatë përpjekjes për të ndaluar sulmin, mori ndihmë mjekësore dhe u largua nga spitali.

Njoftimi i Policisë: 

Finalizohet operacioni policor i koduar “Intervent”.  

Identifikohet, kapet dhe vihet në pranga 40-vjeçari që vodhi një shumë parash dje, në një market në Yzberisht, duke kanosur punonjësen, me thikë.   

I arrestuari, me precendent penal për vjedhje me dhunë.    

Shërbimet e Komisariatit të Policisë Nr. 6, në vijim të veprimeve intensive hetimore të kryera për zbardhjen e vjedhjes së kryer dje, në kërcënimin e thikës, në një market në Yzberisht, organizuan dhe finalizuan operacionin policor “Intervent”. 

Si rezultat i operacionit u identifikua, u kap në Rrugën e Qelqit dhe u vu në pranga autori i dyshuar i vjedhjes, shtetasi E. T.(T), 40 vjeç, banues në Tiranë. 

Punonjësja e marketit që u dëmtua në dorë, nga thika që mbante autori, në tentativë për ta ndaluar atë, mori mjekim dhe u largua nga spitali. 

Materialet procedurale do t’i kalojnë Prokurorisë, për veprime të mëtejshme.