Një ngjarje e rëndë ka ndodhur mesditën e sotme në Gjirokastër, ku një 62-vjeçar ka humbur jetën pasi është mbytur në liqenin e Viroit.

Bëhet e ditur se viktima është B.K, i cili punonte si roje në parkun e Viroit.

Rrethanat e ngjarjes mbeten ende të paqarta dhe po hetohen nga autoritetet.

Policia ndodhet në vendngjarje dhe ka nisur hetimet për të zbardhur shkaqet e mbytjes së tij.

Njoftimi i Policisë:

Gjirokastër/Informacion paraprak

Rreth orës 17:30, në liqenin e Viroit, është gjetur i pajetë, dyshohet i mbytur në liqen, shtetasi B. K., 62 vjeç, banues në Gjirokastër, me detyrë roje në ambientet e zonës së Viroit, pranë Agjencisë së Shërbimeve Komunitare dhe Utilitare, në bashkinë Gjirokastër.

Nga këqyrja paraprake e trupit nuk janë konstatuar shenja dhune.

Grupi hetimor po punon për dokumentimin e plotë me prova ligjore të rrethanave të ngjarjes.