Nga Salvatore Aliu tek Eldi e Tan Gjika, kush është kupola e drejtimit të organizatës

Nga Elton Qyno – Syri.net/

Vëllai i Isa Aliut, Salvatore alias Shpëtim Aliu nga Elbasani, dyshohet të jetë pjesë e kupolës drejtuese të këtij grupi kriminal që trafikonte tonelata kokainë nga vendet e Amerikës Latine në vendet e Bashkimit Europian.

Salvatore Aliu së bashku me Eldi Dizdarin dhe Dritan Gjikën, kishin rol organizativ, financues e deri tek kontrolli i transfertave të parave që investoheshin në Shqipëri.

Salvatore Aliu, në skemën e pastrimit të parave ka future dhe vëllain e tij, Isa Aliu, duke e bërë aksioner në disa biznese ndërtimi.

Aktualisht të dy vëllezërit Aliu, janë shpallur në kërkim ndërkombëtar, pasi SPAK ka vendosur masën e sigurisë “arrest me burg” për akuzën e “Trafikut të drogës” kryer në formën e “Grupit të strukturuar kriminal” dhe “Pastrimit të produkteve të veprës penale”.