'Ndalni KAYO!' FMG kërkon masë sigurimi padie, gazetarja Lala: Dosjet e mija në duart e ushtrisë! KAYO: Jemi pronarët e godinës News24

Sot në Gjykatën Civile të Tiranës po zhvillohet seanca për kërkesën e Focus Media Group (FMG) për vendosjen e një mase sigurimi padie, me qëllim rikthimin e aktivitetit normal të redaksive të prekura, lejimin e vijimit të punës së gazetarëve, transmetimit të programeve, si dhe pezullimin e veprimeve të ndërmarra nga KAYO SHA dhe Policia e Shtetit.

Gazetari i Syri Tv, Fatjon Gjinaj zbardh detaje nga seanca gjyqësore që po vijon

Përfaqësuesi ligjor i Fokus Media Group argumentoi pse gjykata duhet të ndalojë veprimet e kompanisë “KAY+O”.

Mbrojtësi ligjorë i Fokus Media Group: Të shtunën në mëngjes pranë shoqërive Fokus Media Group dhe Panorama sha, janë  paraqitur persona të identifikuar si përfaqësues të kompanise “Kayo”. U futën me dhunë në amebientet e të dy shoqërive. Të dyja shoqeritë kane dy godina dhe në këtë rast KAYO së bashku me policinë, vendosën perimetër duke mos lejuar përsonat të futeshin brenda dhe kanë ndërprerje edhe transmetimin.

Nuk është prezantuar asnjë dokument apo shkresë qoftë gjyqësore apo i ndonjë organi administrativ, dhe rojet në keto kushte rojet janë detyruar të lejonin që këta persona të futeshin brenda.

Ne kemi kërkuar shpjegime, nuk na kanë dhënë asnjë shpjegim. Në vijom te asaj dite, rreth ores 16.00, ka hyrë policia ushtarake dhe ka marrë perimetrin e brendshme, ndërsa te jashtmin e mbajti policia. Në ditët në vijim, kanë filluar të çmontojnë mobiljet, këtë e ka bërë kompania “Kayo”. Ata kanë shqyer dyert me trapan dhe më pas dyert e brendshme nuk e di si i kanë hapur.

Ne vijuam transmetimin me mjete te tjera. Ne i kërkojmë gjykatës të ndalohen veprimet e kompanisë “KAY+O”. Kërkojmë masë sigurimi. Ngrejmë padi e cila synon mbrojtjen e të drejtave tona reale. Kemi edhe sende të cilat kanë një natyre të veçante brenda. Kemi mobilje, pajisje transmetimi dhe materiale konfidenciale të gazetarëve. Në këtë rast, në kërkojmë dorëzimin e të gjitha materialeve të shoqërisë.

Avokati i shoqërisë kërkoi dhe rivendosjen në vend të të drejtave të gazetarëve që janë cënuar.

"Kërkojmë të na dorëzohen të gjitha materialet. Kërkojmë te mos preken materialet që janë nxjerë nga godina dhe janë dërguar në një repart ushtarak:”

Ndërhyri dhe gazetarja e News24, Klodiana Lala:  Aty janë materialet e mia konfidenciale, është e gjithë jeta ime aty.  Materialet e mia profesionale janë në duart e ushtrisë. Ndjesë për ndërhyrjen por nuk po përmendet diku kjo çështje që është shumë e rëndësishme.

Përfaqësuesi ligjor i KAYO:  “Kayo ka pretendime vetëm për godinën e News24, nuk kemi asnjë pretendim për godinën tjetër. Nuk ka dalë njeri me forcë nga godina. Ne jemi pronari i ligjshëm. Nuk njoftuam sepse është fakt i njohur botërisht. Ne nuk kemi asnjë marrëdhënie juridike me Fokus Media Group. Veprimet që Bashkia donte ti kryente para 3 vitesh, ishin të ndaluar. Në momentin që ra masa e sigurimit, Bashkia procedoi me dorëzimin. Ngriti një grup pune për dorëzimin e objektit. Pala kërkuese nuk ishte aty.

Është sundim mbi sendin, ne shkuam ta marrim si pronarë të ligjshëm. Zbatuam ligjin. Policinë e njoftuam ne sepse donim të siguronim pronën. Pala kërkuese marrëdhënien qiramarrëse e ka mbyllur në vitin 2022. Te godina tjetër që ne nuk kemi pretendime, kërkuam një liste me punonjësit e Panoramës. Ata të vazhdojnë punën aty, ne nuk i pengojmë aksesin, ia kemi thënë qe ditën e parë. Listën e donim që ata të kalojnë përmes pronës tonë. Kufirin e kemi vendosur në hyrje të pronës tonë. I kemi thënë na jepni mundësinë t’ju garantojmë aksesin. Neve instruktuam policinë ushtarake që punonjësit që do vinin të panorama do lejoheshin.

Gazetarët në sallë: Është gënjeshtër. Nuk na lejuan të merrnim as syzet

Pala që mbron “Kayo”: Sendet janë dërguar te rezerva e shtetit dhe mund ti tërheqin kur të duan. Kompjuterat janë levizur shumë pak, pjesa dërrmuese jo. Vetem te NEWS24 kemi ndërhyrë, te Panorama jo. Nuk kemi patur akses në këtë godinë.

Kayo: Sinjali në AKEP është i rregullt. Ka patur gjithë kohën e mundshme për të gjetur ambiente të reja, nuk mund të bëjë shtetit bamirësi. Pala tjetër prentedon se kemi hyrë me dhunë. Pala kërkuese nuk i ështe drejtuar komisariatit me kallëzim.

Ndërhyn mbrojtja e Fokus Media Group: Policia na dhunoi.

Kayo: Nuk janë penguar as gazetarët.

Klodiana Lala: Nuk mund te genjeje publikisht. Nuk ke turp, nuk ke. Kam fotot e fëmijëve të mi aty. Dal nga salla me dëshirë, vetëm ajo të mos gënjeje.

Lala braktis sallën e gjyqit.

Fokus Media Group: Në datë 6 gusht ne na ka ardhur fatura e qirasë për pjesën e godinës që ata pretendojnë se është e tyre. Ka ardhur nga Bashkia, ne e kemi paguar faturën e korrikut. Ju keni bërë një fiksion duke marrë në poseidim një gjë nga Bashkia, që Bashkia nuk e ka. Kontrata e dritave e kujt ishte? Rojet private të kujt ishin? A kishte çelsa Bashkia? Pse përdorët trapanin ju? Poseidimin nuk e ka pasur ndonjëhere Bashkia. Avokatja e Shtetit tha që Apeli e ka rrëzuar masën sepse nuk kishte ngutshmëri. Me te drejtë, sepse nuk ishte e Bashkisë.

Kujtojmë se prej datës 09.08.2025 televisionit News24 i është ndërprerë transmetimi duke vijuar mbrëmjen e djeshme edhe me grabitjen e kompjuterave dhe materialeve të punonjësve.