‘Po shkonte në spital te tezja’, zbardhen detaje nga aksidenti që i mori jetën 21-vjeçares shqiptare

‘Po shkonte në spital te tezja’, zbardhen detaje nga aksidenti që i mori jetën 21-vjeçares shqiptare

18:08, 01/04/2024
A+ Aa A-

Një 21-vjeçare shqiptare dhe një 68-vjeçare greke humbën jetën mëngjesin e së hënës si pasojë e një aksidenti rrugor. Aksidenti ndodhi teksa dy viktimat ishin në pritje të autobusit në stacionin Patridas në Veria, kur papritur një makinë e drejtuar nga një 64-vjeçar, hyri në drejtim të kundërt dhe u përplas me ta.

Si pasojë e përplasjes ka gjetur vdekjen e menjëhershme 68-vjeçarja, e cila është hedhur rreth 25 metra larg, ndërsa 21-vjeçarja është dërguar e plagosur rëndë në spitalin e Verias, ku ka përfunduar për pak kohë më vonë.

Dëshmitë e banorëve të zonës për ngjarjen tragjike janë tronditëse.

“Ne zbritëm dhe pamë se çfarë ndodhi. Kishte një zhurmë të madhe. Ishte si tërmet! Nuk ka fjalë, çfarë të them. Humbëm një nga fqinjët tanë më të rinj. Pashë makinën në oborrin tim dhe gruaja u hodh 25 metra. Nuk e pashë fare vajzën. Të dy prisnin të shkonin në Veria. Shoferi tha se kishte marramendje”, tha një banor, duke përshkruar pamjet tronditëse që ka parë.

Në vendngjarje kanë qenë miqtë dhe kolegët e 21-vjeçares.

“Vajza po priste këtu në stacionin e autobusit për të shkuar në spital për të parë tezen e saj. Ajo ishte duke studiuar për infermieri”, shprehen miqtë e vajzës së re.

Shoferi 64-vjeçar, i cili dyshohet se nuk ishte mirë dhe për këtë ka humbur kontrollin e makinës, për pasojë ka shkuar në drejtim të kundërt dhe ka shkaktuar aksidentin, është arrestuar, por me urdhër verbal të prokurorit është lënë i lirë, ndërsa po trajtohet me plagë të lehta në spitalin e Verias.

© SYRI.net

Lexo edhe:

Komentet

Shto koment

Denonco