Emisioni “Uniko” ka denoncuar historinë e një vajze 15-vjeçare që u rrëmbye në shëtitoren e qytetit ku banonte dhe u shfrytëzua seksualisht për qëllime përfitimi dhe pas 4 ditësh arriti të shpëtote. Një histori e cila ka traumatizuar atë dhe familjen e saj. Këta të fundit gjatë këtyre ditëve jetuan me frikën se vajzën mund t’ua kishin vrarë.

Historia rrëfehet nga vetë vajza e mitur dhe nëna e saj në studion e Uniko, duke respektuar privatësinë e tyre (fytyra e mbuluar, zëri i ndryshuar dhe censurim i vendeve).

Kjo histori abuzimi është duke u hetuar aktualisht edhe nga organet ligjzbatuese. E mitura ka treguar se si nisi historia, kur një djalë që ajo e njihte abuzoi me të nën kërcënimin e armës.

E mitura: Kisha një shoqe që lidhet me një nga autorët, kryesorin, dhe ai më tha 2 ditë më përpara që ne do takohemi edhe do flasim në lidhje me shoqen tënde. Ok pranova. Tha do takohemi 10 minuta në shëtitore dhe do flasim vetëm në lidhje me atë, dua të di ku jeton ajo. Pranova se nuk m’u duk diçka e madhe shumë. Kur shkova aty tha hip në makinë se do shkojmë do bisedojmë në një lokal, ndoshta do vijë edhe shoqja jote. Edhe meqë tha do vijë edhe shoqja ime, m’u duk diçka e sigurt. Do ishim 2 goca, s’do ishte problem. Edhe gjatë rrugës tha që planet kanë ndryshuar, ne do shkojmë tjetërkund. Edhe atëherë fillova të alarmohesha duke i thënë ku do shkojmë, çfarë do bëjmë. As në telefon nuk kisha karikim, ishte fikur telefoni. Tha ‘tani je në duart e mia dhe e di unë se ku të çoj dhe çfarë bëj’. Më çoi te një shtëpi te lagjia e spitalit, është pallati i dytë më duket në kat të tretë, dallon jashtë ka ca pllaka, domethënë dallon nga të tjerat. Ishte një shtëpi me orendi të vjetra, dukej si e braktisur. Aty më futi brenda me zor, domethënë nuk doja që të hyja brenda se përderisa më çoi te shtëpia mendova që diçka e keqe po më afrohej. Isha duke qëndruar indiferente gjatë gjithë kohës. Mendova të dilja në ballkon, ndoshta të thërrisja dikë, por nuk më lejoi. Ishte një komodinë me sirtarë. I hapi ato dhe aty kishte armë. Unë s’kisha parë ndonjëherë armë. Ngaqë ato ishin si të ndryshkura, i thashë që këto nuk punojnë. Po më kërcënon me diçka që nuk funksionon. Edhe tha nëse ke dëshirë mund ta provojmë. I thashë normal që nuk dua. Atëherë më tregoi që kishte fishekë, i mbushi dhe i bëri gati e ma drejtoi. Edhe tha që nëse ti nuk bën atë që them unë, atëherë do ketë pasoja si për ty dhe për familjarët e tu. Domethënë se kushërinjtë e mi ai i kishte shokë. Kishin shoqëri bashkë edhe tha do filloj nga ata. Aty kisha shumë frikë edhe bëra atë që ai deshi. U nënshtrova përderisa kisha frikën e kushërinjve, e dija që ata kanë lidhje të ngushta, ishin rritur bashkë. Tha që nuk do të të lejoj të shkosh as në shkollë. Nëse do të pres flokët edhe nuk del fare. Ishte vetëm. Pastaj pasi abuzoi me mua, më la të shkoja në shtëpi edhe tha që nuk ke për të treguar asnjë gjë. Kjo ka zgjatur rreth 1 orë e gjysmë. Më mori edhe varësen që kisha, një varëse ari në qafë me një engjëll të personalizuar për mua, ma mori edhe tha që kjo do jetë një diçka që do ta marr peng, do ta mbaj unë që ndoshta për të më nënshtruar mua që të shkoj herët e tjera ngaqë e dinte që ajo varëse ishte shumë e vlefshme për mua edhe më tha që do shkosh në shtëpi dhe nuk ke për të treguar se çfarë ndodhi, as familjes tënde, as shoqeve të tua.

Dy ditë pas këtij episodi, në pasdite e mitura nuk u kthye më në shtëpi pasi u rrëmbye dhe u mbajt me forcë për 4 ditë nga autori dhe shokët e tij, të cilët abuzuan me të.

Në pjesën e dytë të rrëfimit të saj, ajo tregon se si personat që e kishin marrë me forcë, e shfrytëzonin tek të tjerët kundrejt pagesës.

Vajza e abuzuar: Rreth darkës u kthyem prapë në Tiranë tek e njëjta shtëpi. Aty te shtëpia kisha për të qëndruar prapë tek e njëjta dhomë, por në ndryshim nga nata e kaluar më sollën një burrë, ishte 50 vjeç dhe ai tha që jam biznesmen. Ishte i gjatë, i mbushur. Tha që edhe unë kam paguar për ty, por nëse nuk të mjaftojnë ato që kam dhënë, nxorri një tufë me 50 Eurosha, m’i hodhi në tavolinë, edhe tha këto merri edhe mos trego që t’i kam dhënë se je vërtetë shumë e bukur edhe…ndoshta s’të mjaftojnë ato ose nuk t’i japin. Filloi të më prekte dhe i thashë ti je sa babi im, ndoshta ke fëmijë. A nuk të vjen pak keq? Edhe tha, nuk ka si të më vijë keq përderisa unë paguaj, edhe unë kur paguaj dua shërbimin, përderisa kam dhënë lekë. I thashë, prej meje nuk ka asnjë lloj shërbimi, vetëm të çohesh dhe të largohesh nga unë. Tha unë kam paguar. Nëse do hap gojën, trego shifrën që do. Unë kam ardhur për ty sonte këtu. I thashë ti mund të kesh ardhur, po unë nuk të kërkova. Pastaj filloi të debatonte me çunat, i tha që kjo s’do, duhet të më ktheni lekët mbrapa. U afrua dhe për të më gjuajtur.

Gazetari Spartak Koka: Ky 50-vjeçari?

Vajza e abuzuar: Po, tha ti je njeri i pabindur dhe i pavlefshëm njëkohësisht.

Gazetari Spartak Koka: Të pyeti për moshën?

Vajza e abuzuar: Jo. S’më pyeti për moshën. Kur më tha që ti je njeri i pabindur, i thashë të paktën jam e pabindur por jo idiot si ty. Filloi të dilte jashtë në korridor, kërkonte lekët. Ato lekët që ishin në tavolinë nuk i mori. Kërkonte lekët, tha kam dhënë shumë lekë, kam investuar sikur të jem duke hapur biznes për ju sonte këtu.

Gazetari Spartak Koka: U tha këtyre çunave?

Vajza e abuzuar: Po, por këta çunat e nxorrën jashtë me shkelma, e rrahën.

Gazetari Spartak Koka: Rrahën këtë 50-vjeçarin?

Vajza e abuzuar: Po, për të mos i dhënë lekët.

Gazetari Spartak Koka: Nuk ja dhanë?

Vajza e abuzuar: Jo. Pastaj u kthyen te unë, më dhunuan edhe mua dhe mbrapa Arlindi, njëri nga ata djemtë, tha meqë me atë nuk doje se ishte i vjetër, të paktën lekët janë paguar të shfrytëzojë dikush. Edhe me detyroi që të kryeja marrëdhënie me të.

Gazetari Spartak Koka: Me Arlindin?

Vajza e abuzuar: Po. Tha, për këtë që bëre sonte, ofendove klientin tënd, ke për të ndenjur pa ngrënë dhe pa pirë edhe as në banjo tha s’do të lë të shkosh.