Një aksident ka ndodhur në qendër të qytetit të Korçës pasditen e së premtes. Një automjet ka përplasur një qytetar që po lëvizte me biçikletë.
Burime pranë vendit të ngjarjes bëjnë me dije se mjetit drejtohej nga një grua e cila u shoqërua në komisariat.
Ndërkohë, i aksidentuari ndodhet në spitalin rajonal të Korçës në gjendje të rëndë shëndetësore.
Policia e Korçës/ Informacion paraprak
Sot rreth orës 16:15, në bulevard ‘Republika’, Korçë, automjeti tip ‘Benz’, me drejtuese shtetasen O. M., ka aksidentuar një biçiklist, ende i paidentifikuar, i cili u transportua për mjekim në spitalin e Korçës.
Me drejtuesen e automjetit, po kryhen veprimet e mëtejshme procedurale.
Grupi hetimor po punon për sqarimin e rrethanave dhe përcaktimin e shkaqeve të aksidentit.
© SYRI.net