Vijon të mbetet aktive vatra e zjarrit në venddepozitimin e mbetjeve në Mamëz të Kukësit.
Prej më shumë se 24 orësh shërbimet zjarrfikëse të bashkisë dhe emergjencave civile Kukës po punojnë për mbajtjen nën kontroll dhe mos përhapjen e zjarrit.
Të nxitur edhe nga përmbajtja e mbetjeve në vendepozitim por edhe era e fortë, zjarri është aktiv dhe rrezikon përhapjen në masivin pyjor me dushqe përreth venddepozitimit.
Drejtori i shërbimit zjarrfikës Gafurr Rexha thotë se për momentin po punohet për kufizimin e përhapjes së mëtejshme të vatrës.
© SYRI.net