Policia e Kosovës ka kërkuar ndihmë nga qytetarët për të mundësuar arrestimin e një personi të kërkuar për vrasje. I kërkuari quhet Tush Frroku, 48 vjeç nga fshati Kosh-Istog i Kosovës.
Drejtoria Rajonale e Policisë në Pejë njoftoi se “bazuar në ligjin për publikimin e fotos me shënime tjera të personit të kërkuar më autorizimin e Prokurorisë themelore nё Pejё, me qëllim lokalizimin dhe rrjedhimisht arrestimin e tij, lëshon kërkesën për bashkëpunim me qytetarët.
Personi i kërkuar është Tush (Nue) Frroku i lindur me 25.06.1975 në fshati Kosh-Istog.
I dyshuari është i kërkuar për veprën penale “Vrasje”.
Policia e Kosovës kërkon nga qytetarët e Republikës së Kosovës që kushdo që ka informacion për vendndodhjen e personit të dyshuar në foton e bashkangjitur, të lajmërojë Policinë e Kosovës apo të lajmërohet në stacionin më të afërt policor.
Numrat e telefonit dhe adresat elektronike kontaktuese për të kontaktuar Policinë e Kosovës:
192 dhe 080019999 (pa pagesë)
039 432 327-Drejtoria Rajonale Pejë
E-mail adresa: info@kosovopolice.com
© SYRI.net