Mëngjesin e së dielës, policia italiane në Ravenna ka arrestuar një burrë dhe një grua me shtetësi shqiptare për veprën penale të vjedhjes në shtëpi.
Në lokalitetin Fornace Zarattini, të dy u prezantuan me një çift të moshuarish duke u treguar të gatshëm për t'u bashkuar me vullnetarët e tjerë të angazhuar në heqjen e baltës nga shtëpia e prekur nga vala e jashtëzakonshme e motit të keq që ka përfshirë të gjithë territorin prej disa ditësh.
Pronarët e banesës, menjëherë pas largimit të vullnetarëve të vetëquajtur, kuptuan se mungonte një shumë e madhe parash dhe kërkuan ndihmë të menjëhershme.
Policët kundër vjedhjeve të pranishëm aty pranë, duke realizuar kërkesën për ndihmë, identifikuan dhe arrestuan menjëherë çiftin, të cilit i gjetën në pronësi rreth gjashtë mijë euro. Për këtë arsye, autorët e dyshuar të vjedhjes në konkurs u arrestuan dhe u vunë në dispozicion të Autoritetit Gjyqësor të Ravenës.
© SYRI.net