Policia italiane ka ekzekutuar një urdhër-arresti europian ndaj një 30-vjeçari shqiptar që ishte nën hetim për veprën penale të “trafikimit të qenieve njerëzore” dhe “shfrytëzim seksual të të miturve dhe pornografi me fëmijë”.

Urdhri  ishte nxjerrë në javët e mëparshme nga Autoritetet Gjyqësore të Greqisë, pas një hetimi që përfshinte burrin në një rast shfrytëzimi të prostitucionit të një vajze të mitur shqiptare 15-vjeçare.

Konkretisht, në bazë të veprimtarisë hetimore të zhvilluar nga Policia greke, i dyshuari është nën hetim, së bashku me bashkatdhetarë të tjerë, pasi kishin qarkulluar me mashtrim të miturën shqiptare, duke e bindur të shkonte në Athinë për t'u bashkuar me të dashurin dhe duke favorizuar në këtë mënyrë hyrjen e paligjshme në vend.

Për më tepër, sapo ajo mbërriti në Greqi në dhjetor 2014, vajza dyshohet se është abuzuar seksualisht dhe është detyruar të kryejë prostitucion për më shumë se një muaj nga të dyshuarit.

Ndaj, rreth dy javë më parë, Shërbimi i Bashkëpunimit Policor Ndërkombëtar kishte vënë në alarmr kolegët e Policisë së Kremonës për të verifikuar praninë e personit në zonë.

Nga hetimet paraprake, burri nuk ndodhej në provincë, ku megjithatë kishte disa të afërm me banim të përhershëm në Casalasco. Megjithatë, pas disa ditësh kërkimesh dhe monitorimi të të njohurve dhe kontakteve të tij, hetuesit arritën ta kapnin në Cremona, ku u ndalua dhe u shoqërua në komisariatin e policisë për procedurën e identifikimit.

Pas konstatimit të identitetit dhe korrespondencës së tij me urdhrin e arrestit të lëshuar nga autoritetet greke, i dyshuari është dërguar në burgun vendas dhe është vënë në dispozicion të Gjykatës së Apelit të Breshias, e cila do të vlerësojë ekstradimin e tij të mundshëm drejt Greqisë.