Një 42-vjeçar në Fier, është vënë në pranga nga policia, pasi akuzohet se ka ngacmuar seksualisht një vajzë të mitur.

Burime zyrtare nga policia lokale thanë se, vajza ka denoncuar rastin dhe më pas është bërë ndalimi në flagrancë i 42-vjeçarit, Shpëtim Vizani.

‘Specialistët për Hetimin e Krimeve të Komisariatit të Policisë Fier arrestuan në flagrancë shtetasin Sh. V., 42 vjeç, banues në Fier, pasi dyshohet se ka ngacmuar seksualisht, një shtetase të mitur’, - bën të ditur në mënyrë zyrtare Policia e Fierit.