Këto janë pamjet që vijnë sot nga Dardha e Korçës, e cila është mbuluar plotësisht nga dëbora. Në të gjithë qarkun e Korçë gjatë natës ka pasur reshje shiu dhe dëbore.
Në rrugën e Dardhës, nga kilometri 4 deri tek kilometri 13 ,reshje dëbore me trashësi 10 cm deri 25 cm.
Në rrugën Korçë-Voskopojë, nga kilometri 7 deri te kilometri 18, trashësia është nga 5 deri në 15 cm.
Në rrugën Korçë - Qafa e Qarrit – Ersekë, kilometri 12 deri tek kilometric 30, trashësia varion nga 5 cm - 15 cm.
U punua dhe po punohet me 7 mjete borëpastruese për pastrim dhe kriposje.
Në rrugën e Dardhës, nga kilometri 8 deri tek kilometri 13, kalimi i mjeteve me zinxhirë ose goma dimërore nevojitet në orët e paradites.
Në akset e tjera qarkullimi i mjeteve bëhet pa probleme, por rekomandohet përdorimi i gomave dimërore. Aktualisht ka reshje shiu dhe dëbore.
© SYRI.net