Në Gjermani kërkohej për trafik narkotikësh me vendim të gjykatës së Hanoverit, që kishte lëshuar dhe një urdhër arresti ndërkombëtar në vitin 2005, por në Shqipëri u pranua në strukturën që heton policët që shkelin ligjin, raporton EuroNews Albania.
Janë këto detajet nga dosja e specialistit të shërbimit të kontrollit të brendshëm dhe ankesave pranë Ministrisë së Brendshme me iniciale S.M., i cili kishte arritur t’ia hidhte institucioneve shqiptare duke punuar një strukturë ligjzbatuese për gati 10 vite, me një shkëputje 1-vjeçare me kërkesë të tij.
Gjatë kësaj kohe specialisti ishte pajisur me certifikate sigurie të nivelit tepër sekret, duke u njohur me informacione të klasifikuara.
Por e shkuara e errët e specialistit të SHÇBA-së u zbulua pikërisht gjatë procedurave për rinovimin e certifikatës së sigurisë, ku nga gjurmët e gishtave rezultoi se bëhej fjalë për të njëjtin person.
Tashmë ai akuzohet për falsifikim dokumentesh pasi ka bërë deklarime të rreme në formularin e dekriminalizimit.
Në 10 vite karrierë ai ka ushtruar detyrën në drejtorinë e kërkim hetimit në Vlorë, drejtorinë qendrore të SHÇBA-së dhe së fundmi në drejtorinë rajonale Fier-Berat.
© SYRI.net
Per qeveritaret tane eshte normale