Izraeli do të kishte nevojë për mbështetje të konsiderueshme nga aleatët perëndimorë për të hyrë në një luftë të plotë në Lindjen e Mesme, sipas znj. Maha Yahya, drejtore e fondacionit kërkimor të Qendrës së Lindjes së Mesme Carnegie.

"Izraeli nuk e ka kapacitetin për një luftë afatgjatë të gjithanshme pa mbështetje të jashtme. Ai do të kishte nevojë për angazhimin e Shteteve të Bashkuara për të vazhduar furnizimin me armë. Izraeli mbështetet në Shtetet e Bashkuara dhe fuqitë e tjera perëndimore në një numër frontesh ushtarake. ”, i tha ajo, CNN.

Apelet e bëra nga aleatët perëndimorë të Izraelit që ai të tregojë vetpërmbajtje pas sulmit të Iranit fundjavën e kaluar ka të ngjarë të luajë një rol të madh në përllogaritjet e zyrtarëve izraelitë se sa fort duhet të hakmerren, shtoi ajo.

“Ishte e qartë se kishte një presion të jashtëzakonshëm (ndërkombëtar) ndaj Izraelit për të i mos përshkallëzuar më tej gjërat.”

Në kontekst: SHBA, Britania e Madhe dhe Franca bashkarisht e ndihmuan Izraelin kundër raketave dhe dronëve iranianë gjatë sulmit të fundjavës së kaluar. Ushtria izraelite tha se "99%" e predhave të lëshuara nga Irani u kapën nga Izraeli dhe partnerët e tij, me vetëm "një numër të vogël" raketash balistike që arritën në Izrael.