"Ju duhet të vendosni se kë do të kurseni dhe kush duhet të lihet pas."

Këto janë fjalët e një kirurgu kanadez i cili sapo është kthyer nga Gaza, pasi ka kaluar dy javë duke punuar në Khan Younis në pjesën jugore të enklavës.

Anas Al-Kassem ka detajuar vendimet e pamundura që duhet të marrin mjekët e fundit të mbetur, pasi stafi, pajisjet dhe furnizimet janë jashtëzakonisht të ulëta në mes të ofensivës së Izraelit.

Al-Kassem i tha CNN të mërkurën se gjendja e sistemit shëndetësor të Gazës ishte "më e keqe nga sa prisja".

"Unë mendoj se është më keq se sa prisja të jem i sinqertë me ju," i tha ai John Vause të CNN, duke shtuar se bombardimet izraelite në Gaza kishin qenë më intensive se sa ai kishte përjetuar duke punuar në Aleppo gjatë luftës civile në Siri.

"Sistemi i kujdesit shëndetësor nuk ishte ndoshta më i miri për shkak të rrethimit të Gazës për vite," tha ai, duke shtuar se në luftën aktuale "ishte në prag të kolapsit dhe 100% u shemb."

Mungesa e furnizimeve adekuate mjekësore ka ndikuar në objektet e mbetura të kujdesit shëndetësor në territor, tha ai.

“Ne kemi një mungesë të madhe të pajisjeve, të furnizimeve mjekësore, ju e dini, aparatin e skanimit CT, dhe gjëra të tilla, e lëre më mungesën e barnave [të tilla si] ... analgjezisë, antibiotikëve,” tha ai, duke shtuar se ai duhej t'u bënte qepje pacientëve pa estetikë, në mënyrë që të mund ta ruante për operacione të mëdha.