Rreth 50-100 nxënës të shkollës së mesme të qarkut Loudoun protestuan kundër rregullit për transgjinorët

Nxënësit e një shkolle të mesme në Loudoun County Public Schools (LCPS) u larguan në shenjë proteste ndaj politikës gjinore të distriktit që lejon nxënësit jobinarë, me fluiditet gjinie dhe ata transgjinorë të përdorin cilëndo banjë shkolle dhe dhomë zhveshjeje që dëshirojnë bazuar në gjininë e tyre të zgjedhur.

Rreth 50-100 studentë në shkollën e mesme Woodgrove morën pjesë në protestën kundër Politikës 8040, të cilën bordi i shkollës së qarkut Loudoun e zbatoi në vitin 2021, raportoi ABC WJLA. Studentët thanë se donin që LCPS t'i rikthehej një politike që ofronte hapësira vetëm për femra dhe meshkuj, duke përfshirë banjat, dhomat e zhveshjes dhe dushet.

“Në dhomat e zhveshjes në mëngjes është një shkelje e privatësisë, sepse kur burrat dhe meshkujt që kanë lindur meshkuj janë në dhomat tona të zhveshjes dhe ata bëjnë dush në mëngjes, femrat e lindura femra mund të kalojnë aty sipas qejfit”, tha një nxënës i shkollës së mesme për WJLA. "Dhe kjo nuk është normale. Dhe është kundër asaj që ne besojmë."

Një nxënëse i tha gazetës lokale se ajo ndaloi së e përdoruri banjën e shkollës për shkak të kësaj politike, duke e quajtur atë një "rrezik të madh sigurie" për të cilin LCPS "nuk bën asgjë".

“Ne i ngremë këto shqetësime dhe ata na shpërfillin dhe na quajnë të çmendur të krahut të djathtë”, tha ajo. "Ne nuk jemi të çmendur. Thjesht nuk duam të jemi në rrezik çdo ditë në këtë ndërtesë. Njerëzit më në fund po ngrenë zërin dhe po neveriten nga kjo gjë. Jemi të neveritur që jemi këtu dhe jemi të shpërfillur. Nuk u frekuentoj më banjat, sepse nuk e di çfarë do të ndodhë me mua atje. Dhe njerëzit mund të thonë, "Kjo është paranojë".

"Po ju them që gjysma e femrave në këtë ndërtesë ndihen njëlloj," shtoi ajo. "Ne nuk i frekuentojmë banjat. E mbajmë urinën derisa nuk mundemi më. Ka vajza në Edukim Fizik që ende ndërrohen në bokset e banjës  sepse kanë frikë se kush mund të hyjë aty." Një nxënës tjetër i tha WJLA-së se do të donte të mund të ndërrohej pas stërvitjes së futbollit dhe të mos ndihej në siklet që po e shohin "gjinitë e tjera".

"Mendoj se vajzat ndihen njëlloj për këtë situatën. Si do të ndiheshe nëse do të ishe një femër që ndërrohesh me një mashkull?" pyeti ai.

Disa anti-protestues tundën flamuj ylber në mbështetje të politikës së banjave, raportoi gazeta.

"Unë jam këtu për të mbështetur të gjithë fëmijët," i tha një prej tyre WJLA-së. "Pavarësisht kush janë ata. Të tutë, të mitë, të gjithë."

Një nxënës tha se "e gjithë shkolla" duhet të jetë pjesë bojkotit, por një tjetër shpjegoi "ka shumë njerëz që kanë frikë të flasin kundër kësaj, kështu që qëndruan brenda sepse nuk duan të shohin reagimet negative. "/Fox News - Syri.net