“Do të mbijetojë”, tha më herët zëvendëskryeministri – Motivi i sulmit ishte “politik”, komentoi ministri i Jashtëm – Autori i atentatit është shkrimtari 71-vjeçar Yuri Tsintula.

Kryeministri sllovak Robert Fico, i cili u plagos rëndë të mërkurën nga plumbat teksa përshëndette qytetarët, ka rigjetur vetëdijen pas një operacioni të gjatë të cilit iu nënshtrua, raportojnë mediat sllovake. 

As rrjeti televiziv TA3 dhe as edicioni dixhital i gazetës Dennik nuk dhanë detaje të mëtejshme mbi gjendjen e politikanit populist nacionalist të qendrës së majtë.

Jeta e kryeministrit të Sllovakisë Robert Fico nuk është më në rrezik, tha zëvendëskryeministri Tomas Taraba për BBC mbrëmjen e së mërkurës.

Ai tha se ishte "i tronditur" nga atentati ndaj kryeministrit, i cili u dërgua me urgjencë në një spital në Banska Bystrica dhe iu nënshtrua një operacioni të gjatë. “Fatmirësisht, me sa di unë, operacioni shkoi mirë. Vlerësoj se përfundimisht do të mbijetojë... Situata për momentin është jashtë rrezikut për jetën”, theksoi ai.

Më herët, sipas qeverisë, jeta e zotit Fico ishte në rrezik serioz. Që atëherë nuk ka pasur asnjë njoftim apo sqarim zyrtar. 

Autori i dyshuar, një shkrimtar 71-vjeçar, u arrestua nga policia dhe ndodhet në paraburgim. Sipas ministrit të Brendshëm Matus Sutai Estok, motivi i tentativës për vrasjen e kryeministrit sllovak ishte "politik".