Nëse kundërofensiva e vazhdueshme e Ukrainës fillon në territorin rus, nuk ka alternativë tjetër përveç  përdorimit të armëve strategjike bërthamore, paralajmëroi të dielën Dmitry Medvedev.

“Thjesht nuk do të kishte rrugëdalje tjetër ” nga përdorimi i armëve bërthamore nëse ofensiva ukrainase do të arrinte të merrte territorin rus, tha Medvedev, ish-presidenti rus dhe zëvendëskryetari aktual i Këshillit të Sigurisë Kombëtare, në një postim në mediat sociale.

“Vetëm imagjinoni që ofensiva e ukrobanderovtsy e mbështetur nga NATO rezultoi e suksesshme dhe ata na morën një pjesë të tokës: Atëherë do të na duhej që, pas ligjit të presidentit të datës 02.06.2020, të përdorim armën bërthamore”, shkroi Medvedev, duke iu referuar pasuesit e Stepan Bandera, një udhëheqës nacionalist që zhvilloi një fushatë të dhunshme për pavarësinë e Ukrainës në vitet 1930 dhe 1940.

“Kjo është arsyeja pse armiqtë tanë duhet të adhurojnë luftëtarët tanë. Ata po e mbajnë zjarrin global bërthamor që të mos ndizet”, tha Medvedev, duke iu referuar përpjekjeve ruse për të ndaluar ofensivën ukrainase.

Medvedev nuk ka ka nguruar të kërcënojë Ukrainën dhe mbështetësit e saj perëndimorë me përdorimin e armëve bërthamore.

Gjatë grushtit të shtetit të dështuar të shefit të Wagner, Yevgeny Prigozhin, Medvedev tha se rebelimi mund të çojë në një luftë bërthamore.

Para kësaj, Medvedev është shprehur se lufta në Ukrainë mund të "përfundojë brenda pak ditësh" duke bërë atë që "amerikanët bënë në vitin 1945 kur vendosën armë bërthamore dhe bombarduan dy qytete japoneze, Hiroshima dhe Nagasaki".