Një zjarrfikës në Florida ka adoptuar zyrtarisht një foshnjë, e cila u vendos në kutinë e vetme për bebet të shtetit ,"Safe Haven".

Vincent, i cili kërkoi që mbiemri i tij të fshihej për arsye privatësie, i tha "Good Morning America" se ishte në detyrë gjatë orëve të para të 2 janarit kur ra alarmi i lidhur me kutinë e foshnjës në Ocala, një qytet që ndodhet në Floridan qendrore

"Dispeçeri njoftoi stacionin duke deklaruar se kutia e foshnjës ishte aktivizuar. Unë u ngrita nga shtrati, u nisa me një zjarrfikës tjetër për ta kontrolluar nëse kishte ndonjë gjë brenda dhe kur u ndezën dritat dhe hapa derën e pasme, Zoey ishte shtrirë atje”, kujton Vincent, duke iu referuar fëmijës që ai dhe gruaja e tij Katy e kanë adoptuar që atëherë.

Foshnja ishte foshnja e parë e vendosur në Kutinë e Foshnjave “Safe Haven” që kur ai ishte caktuar në kampusin MLK First Responder në West Ocala, sipas Vincent që ka punuar si zjarrfikës për tetë vjet.

Safe Haven Baby Boxes, një organizatë jofitimprurëse me qendër në Indiana, ofron kuti për fëmijë me temperaturë të kontrolluar në spitale dhe stacione zjarrfikësish në shumë shtete, duke i lejuar prindërit të dorëzojnë ligjërisht një fëmijë. Kur përdoren, kutitë e foshnjave të organizatave jofitimprurëse ndezin një alarm dhe konfigurohen për të njoftuar automatikisht reaguesit e urgjencës.