Dy njerëz kanë mbetur të vrarë në Poloni pasi që dy raketa kanë rënë në afërsi të kufirit me Ukrainën.

Lidhur me këtë ka reaguar Estonia, ku ministria e Punëve të Jashtme të këtij shteti kanë thënë se janë duke u konsultuar ngushtë me Poloninë dhe aleatët e tjerë.

Në cicërimën e tyre në Twitter thuhet se Estonia është e gatshme të mbrojë çdo pëllëmbë të territorit të NATO’s.

"Lajmet e fundit nga Polonia janë më shqetësuese. Ne jemi duke u konsultuar ngushtë me Poloninë dhe aleatët e tjerë. Estonia është e gatshme të mbrojë çdo pëllëmbë të territorit të NATO-s. Ne jemi në solidaritet të plotë me aleatin tonë të ngushtë Poloninë”.