Atdhetari Filip Shiroka ishte zëri i shqiptarëve në Liban dhe në Egjipt. Mërgimtari nga Shkodra nuk i shkëputi lidhjet me atdheun, edhe pas largimit në Bejrutin e largët. Bashkëpunoi ngushtësisht me Faik Konicën, Andon Zako Çajupin, Nikolla Ivanajn dhe shumë personalitete të tjera të Rilindjes Kombëtare.

Kryetari i shoqërisë “Vllazëria e shqiptarëve në Misir” vazhdoi të shkruante për atdheun dhe për gjuhën shqipe. “Zani i zemrës” ishte kryevepra ku poeti lirik përjetësoi në vargje mallin për Shkodrën dhe për mëmëdheun.