“Zonja e Bujtinës”, hapësira më e re teatrore në kryeqytet ka përmbyllur sezonin artistik. Në një vjetorin e krijimit, themeluesja Raimonda Shundi e quajti vitin artistik të suksesshëm, ndërsa si objektiv kryesore për sezonin e ri artistik veçoi organizimin e një festivali monodrame.
SYRI TV
Teatri “Zonja e Bujtinës” , që lindi si nevojë e një hapësire të re teatrore për të promovuar produksionet shqiptare dhe artistët e rinj, përmbylli vitin e parë artistik. 14 premiera janë ngjitur në skenën e teatrit të dhomës, të cilat themeluesja e “Zonjës së Bujtinës”, Raimonda Shundi i quajti të suksesshme.
Iniciativa e dy bashkëshorëtve artistë, për të shndërruar ambientet e brendshme të banesës në skenë teatri, erdhi fill pas shembjes së tempullit të kulturës, Teatrit Kombëtar, rrënojat e të cilit bashkëjetojnë me artistin në shtëpinë e tij.
Aktorja u shpreh se kalendari i ri artistik do të jetë i ngjeshur me shfaqje, kurse sfida kryesore e sezonit do të jetë festivali i monodramës.
© SYRI.net