Ndahet nga jeta Guido Rossi, në moshën 86-vjeçare. Juristi i njohur ka qenë president i Consob dhe Telecom gjatë karrierës së gjatë, por u bë i famshëm për të gjithë për rolin e tij në skandalin e futbollit italian të vitit 2006, i njohur si Calciopoli.
Rossi u zgjodh komisar i jashtëzakonshëm i Federatës Italiane të Futbollit (FIGC) pas shpërthimit të skandalit që solli degradimin e Juventusit, të cilit iu hoqën dy tituj dhe u rrëzua në Serinë B, ndërkohë që u dëmtuan edhe shumë skuadra të tjera, përveç Interit, i cili përfitoi duke marrë një titull në tavolinë dhe dominuar për disa vjet futbollin italian, deri në ringritjen e Juventusit.
Ai u akuzua se bëri lojën e presidentit të Interit, Massimo Morati, me të cilin kishte lidhje biznesi.
Rossi ishte një nga ekspertët më të mirë italianë të së drejtës shoqërore dhe ka qenë edhe Senator i Republikës në legjislaturën e dhjetë. Është ndër firmëtarët e ligjit anti-trust të majit
1988.
© SYRI.net
Bëje LIKE dhe merr lajmin e fundit nga Sporti: