Finalja e Kupës së Botës mes Argjentinës dhe Francës ishte një nga më emocionueset e këtij kompeticioni për mënyrën se si rrodhën ngjarjet dhe ku në fund Argjentina fitoi vetëm falë penalltive.
Meritë e transformimit të ndeshjes ishte një zgjim i vonuar Francës e cila nuk po bënte asgjë në pjesën e parë të duelit.
Dhe ndoshta për këtë zgjim ka shërbyer fjalimi motivues që mbajtën në pushimin e sfidës Kilian Mbape dhe Didier Deschamp.
Sulmuesi, i cili do të bëhej protagonist absolut me tre golat e tij në vazhdimin e ndeshjes, doli para skuadrës dhe bëri thirrje për reagim, siç tregon një dokumentar i TF1 që do të publikohet sot.
“Po luajmë ndeshjen e jetës tonë”, u tha ai futbollistëve të tjerë.
Ndërkohë, një pjesë e fjalimit të Deschamp është publikuar edhe me video dhe tregon shpërthimin e teknikut të ”gjelave”.
“Djem, po ua them këtë pa u inatosur. A e dini ndryshimin me ata me të cilët përballemi? Që ta luajnë këtë ku*vë finale të Kupës së Botës, ndërsa ne nuk po e luajmë”, tha me një shpërthim nervash Deschamp i cili qëlloi me pëllëmbë tavolinën në ato momente.
Një reagim që ndoshta shërbeu paksa për të vënë në shinat e duhura skuadrën e cila më pas prodhoi një futboll të denjë për një finale, edhe pse në fund e humbi atë nga gjuajtjet e penalltive.
Didier Deschamps à la mi-temps de Argentine-France :
— 92%🧃 (@Neymarinho92i) December 19, 2022
« Vous savez la différence entre nous et eux ? C’est qu’eux jouent une put*** de finale alors que nous on ne la joue pas ! » 🥶 pic.twitter.com/Nj1KiMo2En
© SYRI.net
Kongresi i 74-t i FIFA-s, Brazilit i besohet organizimi i Botërorit të femrave
Gjysmëfinalja e 'Final Four'/ Mbyllet në barazim pjesa e parë e sfidës Partizani-Skënderbeu
Cole Palmer zgjidhet lojtari më i mirë i ri i sezonit në Premier LeagueBëje LIKE dhe merr lajmin e fundit nga Sporti:
Denonco
Merrni lajmet më të fundit nga SYRI.net në çdo moment dhe kudo që të jeni!
