Ish-presidenti i Barcelonës, Josep Maria Bartomeu fajësoi të tjerët në klub për zgjedhjen e transferimit të Ousmane Dembeles në vend të Kylian Mbappes në vitin 2017.
Bartomeu, i cili dha dorëheqjen në vitin e kaluar mes hetimeve ligjore, thotë se stafi i trajnerit i rekomandoi francezin sepse anësori mund të bëjë një punë më të mirë për të hapur fushën.
Që atëherë, Mbappe ka vazhduar të përmbushë në masë të madhe potencialin e tij ndërsa Dembele e ka parë karrierën e tij të ngecur masivisht nga lëndimet.
“Nënshkrimi i [Mbappe] ishte në tryezë, por trajnerët preferuan Dembelen sepse donin që një lojtar të hapte fushën”, ka thënë Bartomeu, siç raportohet nga AS.
Për lëvizjet tani të kritikuara për Dembelen dhe Philippe Coutinhon, ai tha: “Disa nga transferimet që kemi bërë nuk i kanë përmbushur pritjet, lojtarë që kanë kushtuar shumë para, por këto gjëra ndodhin në futboll”.
“Kur ata dy lojtarë u nënshkruan, ata u duartrokitën nga të gjithë. Coutinho erdhi sepse Iniesta ishte duke shkuar. Ai ishte më i miri në Ligën Premier. Dembele erdhi për shkak të largimit të Neymar”.
Dembele aktualisht është jashtë me një lëndim të kyçit të këmbës që mori në Euro 2020. Ai filloi stërvitjet javën e kaluar, por asnjë datë nuk është caktuar se kur do të ribashkohet me ekipin e parë.
Kontrata e tij me Barcelonën do të përfundojë gjatë verës së ardhshme.
© SYRI.net
Kongresi i 74-t i FIFA-s, Brazilit i besohet organizimi i Botërorit të femrave
Gjysmëfinalja e 'Final Four'/ Mbyllet në barazim pjesa e parë e sfidës Partizani-Skënderbeu
Cole Palmer zgjidhet lojtari më i mirë i ri i sezonit në Premier LeagueBëje LIKE dhe merr lajmin e fundit nga Sporti:
Denonco
Merrni lajmet më të fundit nga SYRI.net në çdo moment dhe kudo që të jeni!
