Futbollisti i Shqipërisë Armando Sadiku u shpreh për herë të parë si lojtari më i ri i Erzurumsporit.
Ish-sulmuesi i Malagës dhe Levantes deklaroi se nuk ka shumë informacione për Erzurumsporin, por objektivi i tij është të japë gjithmonë maksimumin për skuadrën. Edhe pse nuk ka shumë informacione për ekipin dhe qytetin e ri, Sadiku deklaroi se ndihet i lumtur që është në Erzurum.
“Transferimi u krye shumë shpejt. Patëm një takim me presidentin. Gjatë bisedës, presidentin Husein Ynesh më foli për klubin, komunitetin e tifozëve dhe atmosferën familjare që ekziston këtu. Pas bisedës mund të them se mora shumë përshtypje pozitive. Fillova të mendoj. Vendosa se ky është vendi i duhur për mua. Gjithçka ndodhi shumë shpejt brenda një jave me transferimin tim. Nuk e kam gjetur mundësinë ta vizitoj hsumë Erzurumin. Di pak për këtë vend. Sigurisht, që mendoj se do të jem i lumtur këtu dhe kam kontrolluar në internet. Synimi im më i madh është të kontribuoj sa më shumë të mundem. Gjëja më e rëndësishme për mua është suksesi i skuadrës. Dua të luaj në 100%-shin”, deklaroi Armandi Sadiku.
© SYRI.net
Bëje LIKE dhe merr lajmin e fundit nga Sporti: