Shqipëria është vendi I fundit në rajon dhe Europë përsa i përket gjëndjes së lirisë së shtypit. Organizata “Reporterët Pa Kufij” ka publikuar indeksin vjetor të lirisë së shtypit ku vlerëson se mjedisi për lirinë e shtypit në Shqipëri “është i vështirë”. Ajo ka humbur tre vende krahasuar me një vit më parë, kur listohej e 96-ta.
Në Shqipëri, liria e shtypit dhe pavarësia e medias kërcënohen nga konfliktet e interesit midis botës së biznesit dhe asaj politike, një kuadër ligjor me të meta dhe rregullore të njëanshme. Gazetarët janë viktima të akteve të frikësimit nga politikanët dhe krimi i organizuar. Politikanët kufizojnë pavarësinë editoriale duke politizuar rregullatoret e medias apo duke emëruar në krye të medias publike, siç është rasti i Radio Televizionit Shqiptar, një aleat të partisë në pushtet. Gazetarët kritikë shpesh u nënshtrohen sulmeve të krijuara për t'i diskredituar ata nga të dyja palët politike, dhe kanë vështirësi në marrjen e informacionit nga institucionet shtetërore, aksesi në të cilin mund të kufizohet edhe më shumë nga një centralizim i fundit i komunikimeve qeveritare.
Raporti thekson se mosndëshkimi i krimeve ndaj gazetarëve dhe përpjekjet politike për diskriminimin e tyre mund të inkurajojnë sulme të tjera.
Gazetarët që mbulojnë demonstratat dhe operacionet policore ndonjëherë janë viktima të dhunës policore. Por krimi i organizuar përfaqëson një nga kërcënimet më të mëdha për sigurinë e gazetarëve. Megjithëse policia kohët e fundit ndërmori hapa për të hetuar sulmet kundër gazetarëve, mosndëshkimi për këto krime, i kombinuar me përpjekjet politike për të diskredituar gazetarët, ka krijuar një klimë që ka të ngjarë të inkurajojë sulme të mëtejshme.
Raporti evidenton rastin e gazetarit Elton Qyno të cilit ju sekuestruan materialet nga prokuroria duke shënuar një shpërfillje të angazhimeve ligjore ndërkombëtare që lidhen me mbrojtjen e konfidencialitetit të burimeve. Po kështu përmendet edhe sulmi me armë ndaj selisë së Top Channel ku mbeti i vrarë një roje sigurie.
Raporti thekson se pronësia e pjesës më të madhe të peizazhit mediatik shqiptar është e përqendruar në duart e vetëm katër ose pesë kompanive. Financimi shtetëror përfaqëson një burim kryesor të të ardhurave për median, por shpërndarja e tij e errët dhe diskriminuese ngre dyshime për shitje influence, thekson raporti.
Organizata “Reporterët Pa Kufij” thekson se liria e shtypit po kërcënohet pikërisht nga ata që duhet të ishin garantuesit e saj, autoritetet politike.
© SYRI.net
VIDEO/ ‘Piranjat’ demaskojnë takimin e Ramës, administrata zhvendoset në Athinë
Berisha: Vetëm Arben Maloku, zyrtari i Veliajt, ka vjedhur 38 mln euro nga paratë e bashkisë! Të martën t’i nxjerrim për zverku nga zyrat
Berisha publikon skandalin: Malaveci i përmbaruesve ishte akses në të dhënat e TIMS! Ia kishte dhënë Balla dhe Rrumbullaku kundrejt milionave
Denonco
Merrni lajmet më të fundit nga SYRI.net në çdo moment dhe kudo që të jeni!
