Pas deklaratës së kryeministrit të ri, Albin Kurti, i cili tha se nuk ka qenë i informuar për marrëveshjen e hekurudhave, e cila u nënshkrua mes Kosovës dhe Serbisë, ka reaguar ish-kryeministri, Ramush Haradinaj,
Haradinaj përmes një shkrimi në Facebook tha se, me këtë deklaratë Kurti turpëroi vendin dhe institucionet dhe sipas tij, kjo deklaratë i dëshpëron edhe Shtetet e Bashkuara të Amerikës.
Ish-kryeministri publikoi një fotografi nga takimi i tij me grupet punuese të Autoritetit të Aviacionit Civil të Kosovës dhe atë të Transportit Rrugor, të cilëve thotë se më 30 janar i ka informuar rreth letrës së Grenellit për marrëveshjen e hekurudhave me Serbinë.
Tutje ai thotë, se i ka porositur poashtu grupet punuese, që mos negociojnë asgjë që bie ndesh me Kushtetutën e Kosovës.
“Këtë gjë, është dashur ta bëjë edhe Kryeministri Kurti, në mënyrë që mos ta turpërojë vendin dhe institucionet duke thënë se nuk ka qenë i informuar. Kjo deklaratë, dëshpron edhe Shtetet e Bashkuara të Amerikës, duke dhënë indikacione se nuk jemi unik ndaj përkrahjes së tyre”, ka shkruar Haradinaj.
© SYRI.net
Tetë mjekë dhe dy profesorë s’e kanë deklaruar fare pasurinë, ja lista 
Interpoli lëshon fletarrest për Milan Radojçiqin
Dedaj merret në pyetje nga mbrojtja për një konferencë ku ai thotë se “UÇK-ja ishte në mbrojtje të pragut të shtëpisë”
Denonco
Merrni lajmet më të fundit nga SYRI.net në çdo moment dhe kudo që të jeni!
