Akoma subjekti fitues i zgjedhjeve të 6 tetorit, Lëvizja Vetëvendosje dhe partia e dytë LDK-ja, nuk po arrijnë ndonjë marrëveshje koalicioni e bashkëqeverisjeje për formimin e institucioneve të vendit, Kuvendit dhe Qeverisë së Kosovës.
Edhe përkundër certifikimit të rezultateve, akoma nuk dihet se kur do të ketë marrëveshje dhe tentim për konstituimin e Kuvendit të Kosovës e pastaj edhe qeverisë.
Burimet e "Syri.net Kosova", kanë thënë se arsyeja e ngërçit në bisedimet për forminin e qeverisë së re nuk është çështja e presidentit, por Ministria e Punëve të Brendshme.
Sipas burimeve që kanë qenë prezente në takimet ku është diskutuar për ndarjen e dikastereve, LDK-ja ka kërkuar ta ketë MPB-në, por VV-ja ka kundërshtuar.
Burimet tona thonë se LDK-ja mund të tërhiqej nga një kërkesë e tillë, por amerikanët kanë kërkuar nga partia e Isa Mustafës që ta mbajë ajo këtë ministri të ndjeshme për sigurinë në Kosovë.
Sa i takon presidentit, sipas burimeve të "Syri. net Kosova", më tepër e interesuar për një pozitë të tillë është Vjosa Osmani sesa Isa Mustafa.
LDK-ja, duket se gjendet në një pozitë të vështirë, sepse kritikat e opinionit publik janë drejtuar mbi të si zvarritëse e formimit të qeverisë së re dhe përfundimisht nxjerrjes së PDK-së në opozitë.
Nga ana tjetër "Syri.net", ka provuar të marrë ndonjë informacion zyrtar nga LVV-ja e LDK-ja lidhur me progresin e negociatave, por që asnjëri nga të kontaktuarit nuk kanë kthyer përgjigje.
© SYRI.net
Tetë mjekë dhe dy profesorë s’e kanë deklaruar fare pasurinë, ja lista 
Interpoli lëshon fletarrest për Milan Radojçiqin
Dedaj merret në pyetje nga mbrojtja për një konferencë ku ai thotë se “UÇK-ja ishte në mbrojtje të pragut të shtëpisë”
Denonco
Merrni lajmet më të fundit nga SYRI.net në çdo moment dhe kudo që të jeni!
