Ndryshimin për të cilin kanë votuar qytetarët në zgjedhjet e 6 tetorit kanë lënë pa themel presidentin e vendit, Hashim Thaçi.
Për “heshtjen” e Thaçit, analisti Shkodran Ramadani, thotë se largimi nga pushteti i PDK-së do të jetë në disfavor të presidentit Thaçi.
“Zgjedhjet e fundit kanë bërë një ndryshim politik dhe e kanë lënë pa themel Hashim Thaçin, se pa PDK-në në pushtet Hashim Thaçi qëndron pezull dhe s’ka qeveri që e mbështet në veprimet e veta. Normal që kjo ndikon në sjelljet e tij që pak sa më pasive dhe e zbehet e din që balancimi politik në vend ka nderu në favor të LDK-së e VV-së dhe zor ka me pas më imponua vetën si aktor të fuqishëm por dialogu është një dritare dhe mundësi që aj më mbajt vetën relevant në skenën politike. Pasi që e pamë që u taku me Macronin dhe kjo do ta mbaj relevant edhe për një kohë”.
Ramadani tutje thekson se edhe reagimi për “Mini-Shengenin ballkanik” ka qenë i zbehtë.
“Ka reaguar në një mënyrë për Mini-Shengenin, por edhe këtë nuk ka dashur të komentojë shumë, pasi që organizator është aleati tij Edi dhe s’ka dashur të ketë konflikt me të”, u shpreh Ramadani.
Por, një mendim tjetër ka Fatmir Sheholli.
Duke mos dashur të komentojë nëse kjo është një dorëzim politik i presidentit, shkurt Sheholli ka thënë se qetësia është në përputhje me rregullat e Kushtetueses.
“Konsideroj që funksioni i Presidentit të Kosovës ne relacion me situatën aktuale politike duhet te jete koherent me kushtetutën andaj kjo qetësi si po e quani ju është komfor kushtetutës”, ka thënë Sheholli
Që nga shpallja e zgjedhjeve të parakohshme e deri më tash, presidenti i vendit nuk ka dhënë ndonjë koment në lidhje me ecurinë e këtij procesi. Edhe daljet e tij publike nuk janë të shpeshta, madje edhe diskutimet që i bën me mysafirët që i vinë në Presidencë ka zgjedhur që t’i bëjë publike përmes komunikatave për mediave ose së fundi përmes video-selfie në profilin e tij zyrtar në facebook
© SYRI.net
Tetë mjekë dhe dy profesorë s’e kanë deklaruar fare pasurinë, ja lista 
Interpoli lëshon fletarrest për Milan Radojçiqin
Dedaj merret në pyetje nga mbrojtja për një konferencë ku ai thotë se “UÇK-ja ishte në mbrojtje të pragut të shtëpisë”
Denonco
Merrni lajmet më të fundit nga SYRI.net në çdo moment dhe kudo që të jeni!
