Ja pse Gana e tërhoqi njohjen e Kosovës

13:18, 12/11/2019

Gana ka tërhequr njohjen e saj për Kosovën si një shtet të pavarur, raportoi një portal i njohur ganez, GhanaWeb.

Në një deklaratë të Ministrisë së Punëve të Jashtme dhe Integrimit Rajonal të hënën thuhet se tërheqja erdhi pasi u vlerësua se njohja qe "e parakohshme".

Gana në vitin 2012, vendosi ta njohë Kosovën si një shtet të pavarur dhe sovran, duke çuar në vendosjen e marrëdhënieve diplomatike midis dy vendeve.

Njohja sipas Ministrisë së Punëve të Jashtme ishte në kundërshtim me Aktin Final të Helsinkit dhe më thelbësore, në kundërshtim me Rezolutën 1244 (1999) të Këshillit të Sigurimit të KB.

"Vendimi për të njohur Kosovën doli i parakohshëm në funksion të paragrafit 10 të Rezolutës 1244 (1999) të Këshillit të Sigurimit të KB e cila autorizoi Sekretarin e Përgjithshëm të krijojë një prani civile ndërkombëtare në Kosovë në mënyrë që të sigurojë një administratë të përkohshme për Kosovën nën të cilën njerëzit e Kosovës mund të gëzojnë një autonomi të konsiderueshme brenda Republikës Federale të Jugosllavisë dhe e cila do të sigurojë administratë kalimtare ndërsa vendos dhe mbikëqyr zhvillimin e institucioneve të përkohshme demokratike të vetëqeverisjes për të siguruar kushte për një jetë të qetë dhe normale të të gjithë banorëve të Kosovës ", thuhet në deklaratë.

Sipas këtij portali, përveç Ganës, në listën e shteteve që kanë revokuar njohjen e Kosovës përfshihet Burundi, Republikën Qendrore të Afrikës, Komorin, Dominicën, Guinea-Bissau, Grenada, Lesoto, Liberia, Madagaskar, Palau, Papua Guinea e Re, Sao Tome dhe Principe, Solomon Ishujt, Suriname dhe Togo.

© SYRI.net

Lexo edhe:

• Reagimet për Escobarin, Çitaku: Për keqardhje, politikën amerikane s’e dikton një individ i vetëm
• Tetë mjekë dhe dy profesorë s’e kanë deklaruar fare pasurinë, ja lista ​
• ​Interpoli lëshon fletarrest për Milan Radojçiqin