Milioner po, por deputet jo, Ramiz Kelmendi dështon të bëhet deputet

12:18, 04/03/2021

Ish-deputeti dhe biznesmeni i njohur Ramiz Kelmendi nuk ka arritur të bëhet deputet nga zgjedhjet e 14 shkurtit.

Listat përfundimtare të Komisionit Qendror Zgjedhor bëjnë të ditur se Kelmendi mori vetëm 4 mijë e 607 vota të cilat nuk arritën t’ia sigurojnë një ulëse në Parlamentin e Kosovës.

Në listën e PDK-së , Kelmendi pati numrin 16, ndërsa aderimin në këtë parti i njëjti e bëri të ditur më 12 janar.

Ramiz Kelmendi fillimisht ishte deputet nga radhët e AAK-së, ndërsa në maj të vitit 2014 kishte aderuar në PDK.

Pas kësaj, Kelmendi u largua nga PDK-ja në prill të vitit 2016 duke aderuar më pas në Lidhjen Demokratike të Kosovës, në tetor të vitit 2016.

Në Qeverinë e drejtuar nga Isa Mustafa, Ramiz Kelmendi ishte emëruar zv/kryeministër.

Së fundi Ramiz Kelmendi u kthye përsëri në Partinë Demokratike të Kosovës, në listën e së cilës kandidoi  në zgjedhjet e 14 shkurtit.

© SYRI.net

Lexo edhe:

• Tetë mjekë dhe dy profesorë s’e kanë deklaruar fare pasurinë, ja lista ​
• ​Interpoli lëshon fletarrest për Milan Radojçiqin
• Dedaj merret në pyetje nga mbrojtja për një konferencë ku ai thotë se “UÇK-ja ishte në mbrojtje të pragut të shtëpisë”