Pas certifikimit të rezultateve nga Komisioni Qendror Zgjedhor (KQZ) për zgjedhjet e parakohshme parlamentare që u mbajtën më 14 shkurt, Kosova mund të nis me formimin e institucioneve të reja si dhe zgjedhjen e Presidentit të ri. Sipas Kushtetutës, fillimisht do të bëhet zgjedhja e Kuvendit të ri duke pasur pastaj me zgjedhjen e Presidentit të vendit e deri te mandatimi i kryeministrit të ri. Kështu kanë deklaruar njohësit e çështjeve juridike në vend.
Profesori i së Drejtës Kushtetuese, Mazllum Baraliu për Syri Kosova ka sqaruar procedurat kushtetuese për formimin e institucioneve të reja të Kosovës.
“Akti i parë që na paraprinë neve është shpallja e rezultateve preliminare nga ana e KQZ-së pastaj certifikimi i rezultateve, afati ankimor pastaj dërgohen rezultatet e certifikuara në Kuvend, dhe Kuvendi ta thërras seancën e parë. Nëse Kuvendi nuk e thërret atëherë deputetët dhe struktura ekzistuese e thërret Kuvendin e ri. Nuk ka asnjë pengesë në Kushtetutë që ajo që ushtron detyrën e Presidentit edhe ta mandatoj mandatarin për konstituimin e Qeverisë”, tha Baraliu.
Njohësit e çështjeve kushtetuese madje thonë, se edhe në të kaluarën Kosova është përballur me një situatë të tillë.
Juristi Mentor Beqiri e ka përmendur për Syri Kosova edhe kohën kur në vitin 2011 ish-kryeparlamentari Jakup Krasniqi aso kohe u.d i Presidentit ka mandatar për kryeministër Hashim Thaçin.
“Në të kaluarën kemi pasur rast ku në vitin 2011, u.d i Presidentit Jakup Krasniqi e ka mandatuar për kryeministër atë kohë Hashim Thaçin . Do të thotë është krijuar një standard i ri kushtetues i cili e ka bërë një praktik ndoshta jot ë rregullt po që tashmë është praktik dhe që i jep edhe mundësinë edhe u.d të Presidentit me mandatuar kryeministrin”, tha Beqiri.
Në anën tjetër, sipas njohësve të çështjeve politike, zgjedhja e Presidentit të ri mund të sjell telashe në numrin e votave të pamjaftueshme që partia e Albin Kurtit, Vetëvendosje mund t’i sigurojë si parti e vetme.
Analisti Arton Demhasaj tha për Syri Kosova se për të arritur kuorumin e mjaftueshëm kjo parti do të ketë nevojë për votat e deputetëve të partive tjera.
“Problemi kryesor që mundet me stagnuar, përfundimin e të gjitha institucioneve, mundet me qenë çështja e zgjedhjes së Presidentit për shkak se Vetëvendosje e vetme nuk e ka një shumicë të tillë edhe me minoritete nuk mundet me arrit një shumicë të tillë për zgjedhjen e Presidentit. Me gjasë ka me pas nevojë për partitë tjera shqiptare që janë në Kuvend për me krijuar kuorumin”, u shpreh Demhasaj.
Sipas tij, Aleanca për Ardhmërinë e Kosovës, është subjekti politik më i mundshëm për partner të koalicionit.
“Me gjasë ka me pas nevojë për partitë tjera shqiptare që janë në Kuvend për me krijuar kuorumin. Tash a ka me ndodh që këto partitë LDK-PDK dhe AAK munden me u pajtuar me votuar kuorumin dhe me votuar një kandidat që propozon Vetëvendosje, kjo mbetet me u pa por nuk besoj që ka me ndodh kjo, por me gjasë mund të kemi një koalicion nëse Vetëvendosje bën me dikë prej partive politike për me i jep zgjidhje çështjes së Presidentit e që kjo mundet me qenë më shumë me AAK-në apo ndonjë parti tjetër”, ka deklaruar Demhasaj për Syri Kosova.
Kujtojmë, se KQZ-ja ende është duke vazhduar me numërimin e votave me kusht si dhe atyre që kanë ardhur nga diaspora. /Syri Kosova/
© SYRI.net
Tetë mjekë dhe dy profesorë s’e kanë deklaruar fare pasurinë, ja lista 
Interpoli lëshon fletarrest për Milan Radojçiqin
Dedaj merret në pyetje nga mbrojtja për një konferencë ku ai thotë se “UÇK-ja ishte në mbrojtje të pragut të shtëpisë”
Denonco
Merrni lajmet më të fundit nga SYRI.net në çdo moment dhe kudo që të jeni!
