Me rastin e inaugurimit të aneks-objekti i Agjencisë së Kosovës për Forenzikë, kryeministri Avdullah Hoti u shpreh se Policia e Kosovës mbetet ndër institucionet më kredibile për qytetarët e Kosovës.
“Ju përgëzoj që keni arritur në këtë pikë që të kompletohet infrastruktura e nevojshme. Përgëzoj drejtorin që pa zhurmë ka bërë gjithë këto punë, gjithë këto aktivitete. Kjo është agjenci model në regjion. Policia e Kosovës mbetet ndër institucionet më kredibile në sytë e qytetarëve të Kosovës”, tha Hoti.,
Ministri në detyrë i Punëve të Brendshme, Agim Veliu tha se me përurimin e këtij objekti po krijohen kushte për kryerjen e shërbimeve forenzike për kryerjen e detyrave në dobi të vendit.
“Ky investim shënon një sukses të lartë në konsolidimin e institucioneve të sigurisë në vend. Shkenca e forenzikës duhet të kontribuojë në gjetjen e së vërtetës. Me ndërtimin e këtij objekti, të Agjencisë së Forenzikës po krijohen kushtet për kryerjen e shërbimeve forenzike me urdhrin e Gjykatave e Policisë”, tha Veliu.
Ndërsa drejtori i Agjencisë së Kosovës për Forenzikë, Blerim Olluri e vlerësoi se me krijimin e kushteve për shërbime forenzike AKF po bëhet shembull edhe për rajonin.
Ai adresoi edhe një kërkesë për kryeministrin në detyrë.
“Ligji për Paga ka dëmtuar personelin e AKF-së. Për këtë arsye unë dua të adresoj një kërkesë për kryeministrin, për Qeverinë që do të zgjidhet që statusi i ekspertit forenzik të ketë vendin meritor”, tha ai.
© SYRI.net
Reagimet për Escobarin, Çitaku: Për keqardhje, politikën amerikane s’e dikton një individ i vetëm
Tetë mjekë dhe dy profesorë s’e kanë deklaruar fare pasurinë, ja lista 
Interpoli lëshon fletarrest për Milan Radojçiqin
Denonco
Merrni lajmet më të fundit nga SYRI.net në çdo moment dhe kudo që të jeni!
