Organizata Germin ka dorëzuar ankesë rreth vendimit të fundit të Komisionit Zgjedhor të Kosovës (KQZ) për Verifikimin e aplikacioneve për regjistrim për periudhën e aplikimit për regjistrim të votuesve jashtë Kosovës.
Lirim Krasniqi nga Germin, ka kërkuar që Paneli Zgjedhor për Ankesa dhe Parashtresa (PZAP) ta rishqyrtojë ose ta anulojë komplet vendimin e KQZ-së për votuesit nga diaspora.
“Ne si përfaqësues të organizatës Germin sapo deponuam ankesën kundër vendimit të KQZ-së. Ne konsiderojmë që ky vendim ka potencial që të shkel të drejtat themelore zgjedhore që rregullohen me Kushtetutën e Kosovës. Ne shpresojmë që PZAP do ta marrë parasysh ankesën tonë dhe do të veproj konform ligjit. Ekzistojnë elemente të të drejtave kushtetuese dhe tejkalimit të kompetencave të KQZ-së”.”, tha Krasniqi para medieve.
Tutje, ai tha se legjislacioni aktual është i mjaftueshëm për verifikimin e votuesve nga diaspora.
Ndërkohë, ditën e hënë, Komisioni Qendror i Zgjedhjeve ka marrë vendim për verifikimin e aplikacioneve për regjistrimin e votuesve që janë jashtë Kosovës.
© SYRI.net
Tetë mjekë dhe dy profesorë s’e kanë deklaruar fare pasurinë, ja lista 
Interpoli lëshon fletarrest për Milan Radojçiqin
Dedaj merret në pyetje nga mbrojtja për një konferencë ku ai thotë se “UÇK-ja ishte në mbrojtje të pragut të shtëpisë”
Denonco
Merrni lajmet më të fundit nga SYRI.net në çdo moment dhe kudo që të jeni!
