Kryeministri i Kosovës, Avdullah Hoti, ka vlerësuar pranimin e dorëzimin para Gjykatës Speciale të të akuzuarve nga gjykata respektive për krime lufte.
Hoti, në një intervistë për ‘Ora News’, ka konsideruar se dorëheqja e ish-presidentit Thaçi nga pozita reflekton pjekuri politike.
“Unë besoj se mënyra se si janë sjellë këta persona (Thaçi, Veseli e Selimi), tregon për shkallën e maturitetit në Kosovë. Imagjoni, një vend i ri, që ka vetëm 12 vite si shtet i pavarur, ku akuzohet presidenti i vendit i cili jep dorëheqje, një kryetar të kuvendit, si dhe persona të tjerë të përfshirë në luftën e UÇK-së, e ndërkohë nuk ka asnjë problem social e politik. Kjo tregon maturitetin që ka kjo shoqëri për t’u përballur me sfidat përpara”, ka deklaruar ai.
Ish-presidenti Thaçi, pak para shkuarjes në Hagë, përmes një konference kishte konfirmuar aktakuzën e tij, njëherësh edhe heqjen dorë nga pozita e presidentit.
Njëjtë kishte vepruar edhe ish-kreu i PDK-së, Kadri Veseli, duke hequr dorë nga posti i deputetit.
Ndërkaq, Kryetari i Grupit Parlamentar të Vetëvendosjes, Rexhep Selimi, ende nuk ka hequr dorë nga kjo pozitë.
Rregullorja e Kuvendit e parasheh që një deputeti mund t’i largohet mandati pasi të mos paraqitet për gjashtë muaj në Kuvend.
© SYRI.net
Tetë mjekë dhe dy profesorë s’e kanë deklaruar fare pasurinë, ja lista 
Interpoli lëshon fletarrest për Milan Radojçiqin
Dedaj merret në pyetje nga mbrojtja për një konferencë ku ai thotë se “UÇK-ja ishte në mbrojtje të pragut të shtëpisë”
Denonco
Merrni lajmet më të fundit nga SYRI.net në çdo moment dhe kudo që të jeni!
