Kryetari i komunës së Drenasit, Ramiz Lladrovci, ka reaguar sërish për ish-drejtorin e tij Labinot Gruda, i arrestuar rreth avullimit të 2 milionë eurove nga Ministria e Financave vjen nga kjo komunë.
Lladrovci ka thënë se Labinot Grudën e ka ofruar si ekspert pasi fitoi zgjedhjet lokale, por mohoi që ka qenë pjesë e PDK-së.
“Është shumë e vërtetë që Labinoti ka qenë drejtor në komunën time. Në qeverisjen time do të ofroj njerëz ekspert të lamive të ndryshme. Pas zgjedhjeve lokale e kam afru z. Labinot, i cili me sugjerim, apo sugjerim të ndonjë tezaku e kam afruar si ekspert. Nëtë muaj kemi punuar bashkë, asnjë vërejtje nuk ka pas. Ka ardh si ekspert nga Ministria e Financave e jo si aktivit, nuk ka qenë aktivist i PDK-së”, ka thënë Lladrovci për Kanal10.
Ai ka thënë se fotoja e publikuar me Grudën ka qenë nëpër lokalitet me debate me qytetarë dhe se nuk ka foto tjetër me të.
Lladrovci tha se organet e hetuesisë duhet ta hetojnë këtë rast.
“Edhe nëse e ka bërë, une besoj në organet e hetuesisë, edhe nëse e ka bërë, nuk e ka bërë vet, në thesar duhet të ketë disa shkallë për tu bërë një pagesë, ai mund ta ketë bërë me më shumë njerëz. Ata njerëz që e kanë bërë këtë veprim nuk kanë ngjyra politike, por të krimit”, ka thënë ai.
Lladrovci ka insistuar se Gruda nuk ka qenë pjesë e PDK-së.
“Ju garantoj që nuk ka qenë anëtar as pjesëtar i asnjë strukture te Drenasit. Labinoti nuk ka qenë dhe nuk është anëtar i PDK-së”, ka thënë Lladrovci.
Labinot Gruda dyshohet se ka bërë transferimin e 2,077,995 milionë eurove përmes katër transaksioneve të ndryshme, në adresë kompanisë, LDA Group Shpk, me bazë në Llapushnik.
© SYRI.net
Tetë mjekë dhe dy profesorë s’e kanë deklaruar fare pasurinë, ja lista 
Interpoli lëshon fletarrest për Milan Radojçiqin
Dedaj merret në pyetje nga mbrojtja për një konferencë ku ai thotë se “UÇK-ja ishte në mbrojtje të pragut të shtëpisë”
Denonco
Merrni lajmet më të fundit nga SYRI.net në çdo moment dhe kudo që të jeni!
