Hoti: Vizita e delegacionit amerikan e veçantë, forcon më shumë raportet Kosovë-SHBA

16:28, 21/09/2020

Sot në Prishtinë do të qëndrojë i dërguari special i presidentit Donald Trump për dialogun në mes të Kosovës dhe Serbisë, Richard Grenell. 

Ambasadori Grenell në Kosovë do të jetë bashkë me shefin e Korporatës Amerikane për Investim dhe Zhvillim, Adam Boehler.

Kryeministri i Kosovës, Avdullah Hoti thotë se është shumë i gëzuar që sot do t’i presë dy zyrtarët e lartë amerikanë në Kosovë dhe thotë se kjo vizitë është shumë e veçantë.

Hoti përmes profilit të tij zyrtar në Twitter ka potencuar se një vizitë e tillë do të çojë në forcimin e mëtejmë të raporteve Kosovë-Amerikë.

“I lumtur që Richard Grenell e Adam Boehler do të qëndrojnë në Kosovë bashkë me një delegacion të lartë të qeverisë amerikane. Kjo vizitë është shumë e veçantë dhe do të çojë edhe më tej forcimin e miqësisë Kosovë-SHBA”, ka shkruar Hoti.

Grenell dhe Boehler do të qëndrojnë në Kosovë me qëllim të fillimit të implementimit të marrëveshjeve të nënshkruara më 4 shtator në Washington.

Ata do të vizitojnë edhe Serbinë dhe Izraelin. 

Delighted that @RichardGrenell, Chief Executive Officer @AdamUSDFC and a high US Government delegation will visit Kosovo today. This visit is a very special one and it will go a long way in further cementing Kosovo-USA friendship.

— Avdullah Hoti (@Avdullah) September 21, 2020

© SYRI.net

Lexo edhe:

• Reagimet për Escobarin, Çitaku: Për keqardhje, politikën amerikane s’e dikton një individ i vetëm
• Tetë mjekë dhe dy profesorë s’e kanë deklaruar fare pasurinë, ja lista ​
• ​Interpoli lëshon fletarrest për Milan Radojçiqin