Ministrja e Punëve të Jashtme dhe Diasporës e Republikës së Kosovës, Meliza Haradinaj Stublla, të hënën zhvilloi një bisedë telefonike me Sekretarin e Përgjithshëm të Organizatës për Bashkëpunim Islamik, Yousef bin Ahmad Al-Othaimeen.
Haradinaj-Stublla kërkoi nga Sekretari i Përgjithshëm Al-Othaimeen ndihmë për ta avancuar bashkëpunimin edhe me shtetet tjera anëtare të OBI-së, me fokus të veçantë me shtetet jo-njohëse të Kosovës që janë pjesë e kësaj organizate.
“E falënderova z.Al Othaimeen për angazhimin e vazhdueshëm të Organizatës për Bashkëpunim Islamik në përkrahje të Republikës së Kosovës, ku përgjatë viteve kjo organizatë ka adresuar përmes rezolutave çështjen e njohjes së Republikës së Kosovës nga vendet anëtare”, tha Ministrja Haradinaj- Stublla.
“Njëherësh kërkova thellim të bashkëpunimit me këtë organizatë islamike, si organizatë e rëndësishme politike në përgjithësi, në fusha të interesit të përbashkët politik dhe ekonomik”, tha ajo.
© SYRI.net
Reagimet për Escobarin, Çitaku: Për keqardhje, politikën amerikane s’e dikton një individ i vetëm
Tetë mjekë dhe dy profesorë s’e kanë deklaruar fare pasurinë, ja lista 
Interpoli lëshon fletarrest për Milan Radojçiqin
Denonco
Merrni lajmet më të fundit nga SYRI.net në çdo moment dhe kudo që të jeni!
