Qeveria mblidhet nesër, a do të merret vendimi për lehtësimin e masave

20:23, 20/09/2020

Mbledhja e Qeverisë, pritet të fillojë nga ora 08:30, dhe një prej temave që mund të diskutohet është edhe lehtësimi i masave kundër coronavirusit.

Ka qenë vet ministri i Shëndetësisë, Armend Zemaj, i cili sot tha se pas analizimit të situatës do të dalin me një qëndrim.

Zemaj, përmes një postimi në rrjetin social Facebook, ka bërë të ditur se shumë shpejt do të jetë gati “Spitali për COVID-19” me 500 shtretër, në Prishtinë, duke shtuar që janë në kontakt me OBSH-në lidhur me sigurimin e vaksinës.

Ndryshe, gjatë 24 orëve të fundit kanë vdekur 2 persona nga coronavirusi, 1 rast nga Spitali rajonal i Gjilanit dhe 1 rast nga Mjekimi Intensiv Qendror-COVID.

Sot 61 raste u konfirmuan pozitiv dhe 119 persona u shëruan.